2015-09-23 16:22:21, 456 ნახვა
პოლიტიკა
გოცირიძე: ლარის სტაბილურობაში მთავრობის მონაწილეობა მინიმალურია
ლარის სტაბილურობაში მთავრობის მონაწილეობა მინიმალურია, - ამის შესახებ საქართველოს ეროვნული ბანკის ყოფილმა პრეზიდენტმა რომან გოცირიძემ „ექსპრესნიუსს“ განუცხადა.
როგორც გოცირიძემ აღნიშნა, მთავრობა ნაცვლად ხარჯების შემცირებისა, სხვადასხვა არაეფექტური მიმართულებით ხარჯვას აგრძელებს.
„მთავრობა არაფერს აკეთებს და ნაცვლად იმისა, რომ ამოუდგეს ეროვნულ ბანკს ერთხელაც არ მოახდინა ბიუჯეტის კორექტირება. ნაცვლად შემცირებისა იგი კვლავ აგრძელებს ხარჯვებს და ხარჯავს უამრავი სხვადასხვა არაეფექტური მიმართულებით, ამიტომ მთავრობის მონაწილეობა ლარის სტაბილურობაში მინიმალურია. იქნება რაღაც მაინც მიახვედროს ამ ზომის დევალვაციამ მთავრობა“, - განაცხადა რომან გოცირიძემ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
