ცენტრალურ საარჩევნო კომისიასთან ოპოზიციის მხარდამჭერთა აქცია მიმდინარეობს.

როგორც ცნობილია, ამ წუთებში ცესკოს შენობაში სადამკვირვებლო ორგანიზაციების შეხვედრა იწყება ცენტრალური საარჩევნო კომისიის თავმჯდომარე, თამარ ჟვანიასთან.

ამასთანავე, რესპუბლიკის მოედანზე არიან შეკრებილი ოპოზიციონერები, რომლებიც ავტოკოლონით ცესკოს შენობისკენ დაიძრნენ.

„ნაციონალური მოძრაობის“ წევრის, ზაალ უდუმაშვილის განცხადებით, თამარ ჟვანიამ 31 ოქტომბრის საპარლამენტო არჩევნები გააყალბა.

„თამარ ჟვანია არის მთავარი შემსრულებელი იმ გაყალბებებისა, რომელიც 31 ოქტომბერს მოხდა. ბიძინა ივანიშვილმა მიმართა ტრადიციულ მეთოდებს, ანუ ამ ზონდერებს, კომისიებში ადამიანებზე ზეწოლას და ა.შ. თამარ ჟვანია არის სისხლის სამართლის დამნაშავე, რადგან არჩევნების გაყალბება სისხლის სამართლის დანაშაულია. რაც თამარ ჟვანიამ ჩაიდინა, არის სპეცოპერაცია ხალხის წინააღმდეგ. ეს არის გაერთიანებული ოპოზიციის აქცია, ვინც შემოგვიერთდება, შემოგვიერთდება“, – განაცხადა ზაალ უდუმაშვილმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

დონალდ ტრამპი: ირანს ძალიან ძლიერად დავარტყამთ, დიდხანს არ დაავიწყდებათ

დონალდ ტრამპი ირანს ძალიან ძლიერად დავარტყამთ, დიდხანს არ დაავიწყდებათ

NYT: დიპლომატიური ძალისხმევის შედეგად, ირანმა უკრაინაზე სარაკეტო დარტყმა გადაიფიქრა

უკრაინის საჰაერო დარტყმებმა Wildberry-ის საწყობების 15%-ზე მეტი გაანადგურა