ცურტაველი მიტროპოლიტის, მეუფე ვახტანგის განცხადებით, დავით-გარეჯის საქმეზე დაკავებული პირები ქვეყანას ემსახურებოდნენ და არ შეიძლება გაუაზრებელი მითითებებით გავწიროთ.

მიტროპოლიტი საქმეში პოლიტიკურ მოტივს არ გამორიცხავს.

„კარგად უნდა გამოიძიონ ნათელი გონების ადამიამებმა, რადგან ის ხალხი სიმართლე რომ ვთქვათ, ქვეყანას ემსახურებოდნენ და არ შეიძლება ასე გავწიროთ ვიღაცეების გაუაზრებელი მითითებებით. არ ვიცი რას აკეთებენ. არ ვიცი, ვინც ეს ხალხი მიიყვანა იმ ზომამდე და ვინც განცხადებას აკეთებს, რომ დამნაშავე არიან და ჯერ არ არის გარკვეული, არ არის გადაწყვეტილი ეგ საქმე და რატომ ღელავს ორივე მხარე არ ვიცი. შეიძლება იყოს კიდევაც პოლიტიკური კონტექსტი, ამას ჯერ ვერ ვიტყვით. გამოძიებას თუ უნდა სიმართლე დაადგინოს, ესეც მოკლე დროში გაირკვევა. ის ხალხი თავის საქმიანობაში სიმართლეს ემსახურებოდნენ, მე ასე მწამს. შეიძლება ვცდები, მაგრამ ამას დრო დაამტკიცებს. არჩევნები ყველაფერს გაარკვევს და გადაწყვიტავს.

კმარა ასეთი ცხოვრება, ნაბიჯები უნდა გადაიდგას ერის საკეთილდღეოდ. პოლიტიკაში ყველა შესაცვლელია, ახალი სახე უნდა მოვიდეს ქვეყანაზე ეროვნული ღირსებით, რომელიც რაღაცას გააკეთებს ამ ქვეყანაზე“, - განაცხადა მიტროპოლიტმა ვახტანგმა.

შეგახსენებთ, რომ პროკურატურამ დავით-გარეჯის საქმეზე კომისიის ყოფილი წევრები ივერი მელაშვილი და ნატალია ილიჩოვა დააკავა. გენერალურ პროკურატურაში გამოძიება დაიწყო სისხლის სამართლის საქმეზე, უცხო ქვეყნისათვის საქართველოს ტერიტორიის ნაწილის გადაცემისაკენ მიმართული მოქმედების განხორციელების ფაქტზე, საქართველოს სისხლის სამართლის კოდექსის 308-ე მუხლის პირველი ნაწილით გათვალისწინებული დანაშაულის ნიშნებით.

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს