2020-10-07 17:32:40, 635 ნახვა
კომენტარი
სამადაშვილი დავით-გარეჯის კომისიის ყოფილი წევრების დაკავებაზე - ორი უდანაშაულო ადამიანი დილეგში ჩააგდეს
„ნაციონალური მოძრაობის“ წევრი სალომე სამადაშვილი ეხმაურება დავით-გარეჯის საქმეზე კომისიის წევრების დაკავებას და ამბობს, რომ ხელისუფლებამ ორი უდანაშაულო ადამიანი დილეგში ჩააგდო.
მისი თქმით, ხელისუფლებამ სასურველი ჩვენება ვერ მიიღო და ამიტომ გადავიდა ზეწოლის შემდეგ ფორმაზე.
„როგორც ჩანს დაკავების მუქარამ არ გაჭრა და ხელისუფლებამ ვერ მიიღო მათგან სასურველი ჩვენება იმისთვის, რომ ეს აბსურდული შეკერილი საქმე პოლიტიკური მიზნით გამოიყენოს და შესაბამისად გადავიდნენ ზეწოლის შემდეგ ფორმაზე რაც არის დაკავება. ფაქტობრივად დილეგში ჩააგდო ორი უდანაშაულო ადამიანი საკუთარი პოლიტიკური მიზნები განსახორციელებლად“, - განაცხადა სამადაშვილმა.
ავტორი: ცოტნე ტალახაძე, ექსპრესნიუსის რეპორტიორი 2019 წლიდან
epn.ge (@expressnews.ge)
