2015-09-16 14:01:15, 540 ნახვა
საზოგადოება
შს მინისტრი საფრანგეთის ეროვნული პოლიციის კრიმინალური პოლიციის წარმომადგენლებს შეხვდა
შინაგან საქმეთა მინისტრმა გიორგი მღებრიშვილმა საქართველოში ოფიციალური ვიზიტით მყოფ, საფრანგეთის ეროვნული პოლიციის კრიმინალური პოლიციის წარმომადგენლებთან, საფრანგეთის საელჩოს შიდა უსაფრთხოების ახალ ატაშე ბრუნო ბალდუკთან და საქართველოში საფრანგეთის ელჩ რენო სალენთან გაცნობითი ხასიათის შეხვედრა გამართა.
შსს-ს ინფორმაციით, შეხვედრაზე გიორგი მღებრიშვილმა სამინისტროს საქმიანობის, ევროინტეგრაციის კუთხით განხორციელებული და მიმდინარე რეფორმების შესახებ ისაუბრა.
მინისტრმა ფრანგ სტუმრებს სამინისტროს შესაძლებლობების გაზრდაში შეტანილი წვლილისთვის მადლობა გადაუხადა.
ამასთან, მხარეებმა გამოცდილების გაზიარებისა და შესაძლებლობების გაზრდის კუთხით თანამშრომლობის გეგმები განიხილეს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
