საქართველოს განათლებისა და მეცნიერების სამინისტრო, 14-დან 27 სექტემბრის ჩათვლით, პროფესიული განათლების მიღების მსურველთა რეგისტრაციას,  150-ზე მეტ, მათ შორის, 45 ევროპული სტანდარტების შესაბამისად შემუშავებულ პროფესიულ საგანმანათლებლო პროგრამაზე აცხადებს.

ყველა დაინტერესებულ პირს  შესაძლებლობა ეძლევა, სახელმწიფოს სრული დაფინანსებით, დაეუფლოს სასურველ პროფესიას, ტურიზმის,  მშენებლობის, სოფლის მეურნეობის, ინფორმაციული ტექნოლოგიების, მომსახურებისა და სხვა მიმართულებებით, პროფესიული საგანმანათლებლო პროგრამების განმახორციელებელ სახელმწიფოს მიერ დაფუძნებულ 33 საგანმანათლებლო დაწესებულებაში. რეგისტრაციის მსურველმა თან მხოლოდ პირადობის მოწმობა უნდა იქონიოს.

რეგისტრაციის გავლა საქართველოს მასშტაბით არსებულ საინფორმაციო ცენტრებში,  სამინისტროს  საგანმანათლებლო რესურსცენტრებსა და პროფესიული საგანმანათლებლო პროგრამების განმახორციელებელ  დაწესებულებებშია შესაძლებელი.

რეგისტრაციის დასრულების შემდეგ, აპლიკანტმა, საწყის საფეხურზე სწავლის დასაწყებად, შეფასებისა და გამოცდების ეროვნული ცენტრის მიერ  ორგანიზებული პროფესიული  ტესტირება უნდა გაიაროს. ტესტირების მიზანია, დადგინდეს სწავლის  მსურველთა პროფესიული უნარების შესაბამისობა, მათ მიერ შერჩეულ პროფესიასთან. აღსანიშნავია, რომ შშმ და სსსმ პირებს  შესაძლებლობა ეძლევათ დარეგისტრირდნენ ზემოაღნიშნული პროცედურების შესაბამისად. ისინი ისარგებლებენ ალტერნატიული პროფესიული ტესტირების ფორმებით, რაც  მულტიდისციპლინარული გუნდის მიერ, პროფესიის მოსინჯვის საფუძველზე ფასდება.

საფეხურიდან საფეხურზე გადასვლისა და სწავლის გაგრძელების მსურველები კი, პროფესიულ საგანმანათლებლო დაწესებულებაში რეგისტრაციის შემდეგ თავად  დაწესებულების მიერ ორგანიზებულ ტესტირებას გაივლიან.

ზემოაღნიშნული პროცედურების გავლით, აპლიკანტთა პროფესიულ საგანმანათლებლო პროგრამებზე ჩარიცხვა, 2013 წლის შემოდგომიდან ხორციელდება. ჯამში, 4 მიღების ფარგლებში, პროფესიულ საგანმანათლებლო პროგრამებზე ჩაირიცხა და 100%-იანი სახელმწიფო დაფინანსება  20 000-ზე მეტმა აპლიკანტმა მიიღო. ჩარიცხულთაგან 250 - მდე პროფესიული სტუდენტი სპეციალური საგანმანათლებლო საჭიროების  მქონე პირს წარმოადგენდა.

შეგახსენებთ, რომ დამსაქმებლებთან თანამშრომლობით,  რიგი პროფესიული საგანმანათლებლო პროგრამები დაიხვეწა. პროფესიული სასწავლებლები განახლებული ინფრასტრუქტურითა, თანამედროვე მატერიალურ-ტექნიკური ბაზითაა აღჭურვილი და სხვადასხვა კომპანიებთან თანამშრომლობენ, რომლებიც სტუდენტების სტაჟირებასა და წარმატებული კურსდამთავრებულების დასაქმებას უზრუნველყოფენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს