2020-09-11 15:31:53, 2392 ნახვა
კომენტარი
ამირან გამყრელიძე - საქართველო მწვანე ზონაში რჩება
დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, საქართველო კორონავირუსით ინფიცირებულთა რაოდენობის ზრდის მიუხედავად, მაინც მწვანე ზონაშია.
გამყრელიძე კორონავირუსის შემთხვევების ზრდას მობილობის გაზრდას უკავშირებს.
„საქართველოში კორონავირუსის საერთო ინციდენტობის მაჩვენებლით, ბოლო ორი კვირის განმავობაში, მაინც მწვანე ზონაშია და ყვითელ ზონების საზღვართან იმყოფება. დღეს არის 87 ახალი შემთვევა, რაც პიკური მაჩვენებლია, მაგრამ ყველა უკავშირდება ორ ფაქტორს - ზაფხულში მობილობის ზრდასა და სამასპინძლო დაწესებულებებს“, - განაცხადა გამყრელიძემ.
შეგახსენებთ, რომ ქვეყანაში ბოლო 24 საათში კორონავირუსის 87 ახალი შემთხვევა გამოვლინდა. გამოჯანმრთელებულთა რაოდენობა კი 20-ით გაიზარდა.
ავტორი: ცოტნე ტალახაძე, ექსპრესნიუსის რეპორტიორი 2019 წლიდან
epn.ge (@expressnews.ge)
