2020-09-10 17:40:20, 4007 ნახვა

---

გიორგი კანდელაკი - ბოლო წლების განმავლობაში, ინვესტიციების მკვეთრი შემცირება სასამართლოს ჩამოშლის და მის მიმართ უნდობლობის ბრალია

„ევროპული საქართველო“ წევრი, გიორგი კანდელაკი,  აშშ-ის სახელმწიფო დეპარტამენტის ანგარიშს ეხმაურება.

მისი თქმით, „ქართული ოცნების“ წევრები, ტრადიციულად, არ აქცევენ ყურადღებას მსგავსი ანგარიშებიდან მნიშვნელოვან მონაკვეთებს.

როგორც კანდელაკი აღნიშნავს, სწორედ სასამართლოს მიმართ უნდობლობამ გამოიწვია უცხოური ინვესტიციების მკვეთრი შემცირება ბოლო წლებში.

„ქართული ოცნების“ წევრებს, ტრადიციულად, გამორჩებათ ხოლმე მნიშვნელოვანი მონაკვეთები მსგავსი ანგარიშებიდან. კერძოდ, ამ ანგარიშში ძალიან დიდი ყურადღებაა გამახვილებული სასამართლოს პოლიტიზების და მთლიანად სასამართლოს საკითხზე. ეს, რათქმაუნდა, პირდაპირ აისახება ჩვენ ხალხზე, მოქალაქეებზე, რადგან სწორედ სასამართლოს ჩამოშლის და მის მიმართ უნდობლობის ბრალია ინვესტიციების მკვეთრი შემცირება ბოლო წლების განმავლობაში, რამაც თავისმხრივ გამოიწვია ლარის ვარდნა, სხვა უბედურებებთან ერთად. ეს ერთ-ერთი მიზეზია, რის გამოც გარდამტეხი ცვლილებები სჭირდება ქვეყანას“, - აცხადებს გიორგი კანდელაკი.

ცნობისთვის, აშშ-ს სახელმწიფო დეპარტამენტის 2020 წლის საინვესტიციო კლიმატის შესახებ ანგარიშში ვკითხულობთ, რომ ზოგიერთი ბიზნესი ქართულ სასამართლოს უნარს, განიხილოს კომერციული საქმეები დამოუკიდებლად,  უნდობლობას უცხადებს.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი