ფინანსთა სამინისტროს შემოსავლების სამსახურის საბაჟო დეპარტამენტის ინფორმაციით, საბაჟო გამშვებ პუნქტზე -  „ფოთისა და ყულევის პორტები და ფოთის თავისუფალი ინდუსტრიული ზონა“, შემოიტანეს 5 ერთეული სპეციალიზებული სატვირთო ავტომობილი.

მებაჟე ოფიცრების მიერ, 3 ერთეულ სატვირთო ავტომობილზე, შესაბამისი გაფორმების პროცედურების განხორციელების მიზნით,  გამოიწერა სატრანსპორტო საშუალებების აღრიცხვის  მოწმობები.

2 ერთეული სატრანსპორტო საშუალების დათვალიერების შედეგად აღმოჩნდა, რომ მათ ესაჭიროებოდათ სპეციალური სავალდებულო ნებართვა.

აღსანიშნავია, რომ გადამზიდავი კომპანიის უფლებამოსილი წარმომადგენლის  მიერ, უკვე წარმოდგენილ ნებართვებში მითითებული სატრანსპორტო საშუალებებს არ გააჩნდათ აღნიშნული ტვირთის გადაზიდვისათვის საკმარისი ტვირთამწეობა, რის გამოც მას მიეცა განმარტება შესაბამისი ტვირთამწეობის მქონე მანქანებთან ერთად, წარმოედგინა  ,,საგზაო მოძრაობის  შესახებ"  საქართველოს კანონით დადგენილი მოთხოვნების შესაბამისად გაცემული ნებართვა.

ხელმეორედ წარმოდგენილი დოკუმენტაციის შესწავლის შედეგად დადგინდა, რომ ახალი ნებართვის ნომერი ზუსტად შეესაბამებოდა წინა ნებართვის აღრიცხვის ნუმერაციას და მასში შეცვლილი იყო მხოლოდ სატრანსპორტო საშუალების ნომრები.

საბაჟო დეპარტამენტის უფლებამოსილმა პირებმა ეჭვის საფუძველზე, გაცემული დოკუმენტის ნამდვილობის დასადგენად, ინფორმაცია გადაამოწმეს ნებართვის გამცემ შესაბამის ადმინისტრაციულ ორგანოსთან, რის შედეგადაც დადგინდა, რომ აღნიშნული ნებართვა არ იყო მათ მიერ გაცემული.

საქმის მასალები შემდგომი რეაგირების მიზნით, საქართველოს შინაგან საქმეთა სამინისტროს გადაეცა. გამოძიება სსკ-ის 362-ე მუხლით მიმდინარეობს, რაც ყალბი დოკუმენტის წარდგენა, გამოყენებას გულისხმობს.

ავტორი: NS (სტატია დაფინანსებულია),

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს