საქართველოს იუსტიციის სამინისტროს  მმართველობის სფეროში მოქმედი სსიპ „დანაშაულის პრევენციის ცენტრის“ ახალგაზრდული პროგრამის „ლიდერთა სახლის“ ფარგლებში,  სახელმწიფო სერვისების განვითარების სააგენტოს სოფელ მეჯვრისხევის საზოგადოებრივ ცენტრში ადამიანის უფლებების შესახებ სემინარი ჩატარდა. 

სემინარს  ადგილობრივი  საჯარო სკოლის 25 მოსწავლე დაესწრო. 

საზოგადოებრივ ცენტრში გამართულ სემინარზე მოსწავლეები გაეცნენ ადამიანის უფლებების არსსა და კლასიფიკაციას. მათ შორის იყო ისეთი თემები, როგორიცაა განათლების უფლება, რწმენის და რელიგიის თავისუფლება, თანასწორობა და დისკრიმინაციის  აკრძალვა. განსაკუთრებული ყურადღება  ბავშვთა უფლებებს დაეთმო. 

სემინარს დანაშაულის პრევენციის ცენტრის ახალგაზრდული პროგრამის „ლიდერთა სახლის“ კოორდინატორი მაია ნასრაშვილი უძღვებოდა. ღონისძიება სალექციო ნაწილის გარდა დატვირთული იყო სხვადასხვა შინაარსის აქტივობით. ახალგაზრდები ჩაერთვნენ დისკუსიაში, მონაწილეობდნენ გუნდურ სავარჯიშოებში; სემინარის დასასრულს ყველა მონაწილეს  სერტიფიკატი გადაეცა.  

პროექტის მიზანია, არასრულწლოვნებში სამართლებრივი ცნობიერების ამაღლება, გუნდური მუშაობის უნარის განვითარება და თავისუფალი დროის სწორად წარმართვა. იუსტიციის სამინისტროს დანაშაულის პრევენციის ცენტრის ახალგაზრდული პროგრამა „ლიდერთა სახლი“ 14-დან 18 წლამდე ასაკის მოსწავლეებს აერთიანებს. პროგრამა საქართველოს მასშტაბით 13 იუსტიციის სახლში მიმდინარეობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს