2020-08-17 12:18:06, 973 ნახვა
რეგიონი
ურეკში, ზღვაში დაკარგული ახალგაზრდა მამაკაცი მაშველებმა გარდაცვლილი იპოვეს
ურეკში, ზღვაში დაკარგული ახალგაზრდა მამაკაცი მაშველებმა გარდაცვლილი იპოვეს.
ამის შესახებ ინფორმაცია „ექსპრესნიუსს“ საქართველოს შინაგან საქმეთა სამინისტროს საგანგებო სიტუაციების მართვის სამსახურში დაუდასტურეს.
უწყების განცხადებით, 15 აგვისტოს ურეკში, ორ ახალგაზრდა მამაკაცს, რომლებიც წყლიდან გამოსვლას ვერ ახერხებდნენ, დახმარება ესაჭიროებოდათ.
მათივე ინფორმაციით, მაშველებმა ერთ-ერთი მამაკაცის გამოყვანა მოახერხეს, ხოლო მეორე - წყალში გაუჩინარდა.
„გუშინ გვიან საღამოს ვიპოვეთ ცხედარი. საძიებო სამუშაოებში ჩართული იყო 17 მაშველი, ოთხი მყვინთავი, ექვსი მცურავი საშუალება, მათ შორის ერთი სპეცკატერი, რომელიც იყო ექოლოტით აღწურვილი და ახდენდა ფსკერის სკანირებას და ასევე დრონი“, - განაცხადეს საგანგებო სიტუაციების მართვის სამსახურში.
ავტორი: ექსპრესნიუსი,
epn.ge (@expressnews.ge)
