2015-09-07 12:50:32, 476 ნახვა
პოლიტიკა
ხიდაშელი: ევროპაში მეორე ფრონტი დღეს არავის სჭირდება
საქართველოს თავდაცვის მინისტრის თინა ხიდაშელის განცხადებით, მთავრობა საკუთარი პოზიციის დასაფიქსირებლად ყველა შესაძლებლობას იყენებს, - ამ განცხადებით ხიდაშელი საერთაშორისო ასპარეზზე საქართველოს მთავრობის არასათანადო აქტივობასთან დაკავშირებით ოპოზიციის შენიშვნებს გამოეხმაურა.
ხიდაშელის თქმით, ობიექტურ ადამიანს აღნიშნულის თქმის საფუძველი ნამდვილად არ აქვს.
„ჩემი გასული 4 თვის საქმიანობა, როგორც მაგალითად ბოლო ვიზიტი ამერიკაში, არამგონია, რომ ოდნავ ობიექტურობასთან გვერდში ჩავლილ ადამიანს, ასეთი განცხადების გაკეთების საშუალებას აძლევდეს. ენას ძვალი არ აქვს გასაგებია. ჩვენ ამ საქმეში ვმოქმედებთ მთლიანად შეთანხმებით ევროკავშირთან და ჩვენს ევროპელ პარტნიორებთან. არავის არ სჭირდება დღეს მეორე ფრონტი ევროპაში, ეს არის ძალიან მარტივი“, - განაცხადა თინა ხიდაშელმა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
