ხაბაროვსკში, დაპატიმრებული გუბერნატორის მხარდასაჭერად, ათი ათასამდე ადამიანმა აქცია გამართა

2020-07-18 15:24:19, 6036 ნახვა

მსოფლიო

ხაბაროვსკის ოლქში ადგილობრივებმა საპროტესტო აქცია გამართეს, სადაც დაპატიმრებული გუბერნატორის, სერგეი ფურგალის მხარდასაჭერად შეიკრიბნენ.

აქცია დღის 12 საათზე დაიწყო. მონაწილეები ცენტრალური ქუჩებით დედაქალაქის მერიასთან გაემართნენ, სადაც მერთან შეხვედრა ითხოვეს. თუმცა, მერმა განაცხადა, რომ აქტივისტებს პროტესტის მოწყობაში ფულს უხდიან. ამის შემდეგ, დემონსტრანტები კვლავ ცენტრალური ქუჩებისკენ დაიძრნენ.

აქცოაზე ათი ათასობით ადამიანი გამოვიდა. მონაწილეებს ავტომობილის მძღოლები, სიგნალებით ამხნევებდნენ.

გავრცელებული ცნობებით, აქციის მონაწილეები სკანდირებდნენ: „თავისუფლება ფურგალს!“ და აცხადებდნენ, რომ „არ მიიღებენ“ რეგიონის სხვა ხელმძღვანელს.

ცნობისთვის, ხაბაროვსკის მხარის გუბერნატორი და ფსევდოოპოზიციური „ლიბერალურ-დემოკრატიული პარტიის“ წევრი, სერგეი ფურგალი, სამართალდამცველებმა 9 ივლისს დააპატიმრეს და მოსკოვში, საგამოძიებო კომიტეტში გადაიყვანეს დასაკითხად.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან