მიმდინარე წლის 6 სექტემბრიდან 12 სექტემბრის ჩათვლით,  გერმანიის საერთაშორისო თანამშრომლობის საზოგადოებისა (GIZ) და იუსტიციის უმაღლესი სკოლის თანამშრომლობის ფარგლებში, განხორციელდება სამოსამართლო კანდიდატების მე-12 ჯგუფის წევრების სასწავლო ვიზიტი გერმანიის ფედერაციული რესპუბლიკაში, ქ. ჰამბურგში.

იუსტიციის უმაღლესი სკოლის ინფორმაციით, ვიზიტის მიზანია სამოსამართლო კანდიდატებისათვის ჰამბურგის მხარის სასამართლო სისტემის გაცნობა.

ერთკვირიანი ინტენსიური სასწავლო ვიზიტის ფარგლებში, სამოსამართლო კანდიდატები გამართავენ შეხვედრებს როგორც ჰამბურგის უმაღლეს სამხარეო სასამართლოში, ასევე ესტუმრებიან პირველი ინსტანციის სასამართლოებს. დაგეგმილია სამოსამართლო კანდიდატების შეხვედრები პროკურატურასა დაადვოკატურაში, ისინი აგრეთვე მოინახულებენ წინა საპატიმრო დაწესებულებას.

სამოსამართლო კანდიდატები დაესწრებიან სისხლის, სამოქალაქო და ადმინისტრაციული დავების განხილვებსდა მიეცემათ საქმის განმხილველ მოსამართლეებთან პროფესიული დისკუსიის საშუალება.

სამოსამართლო კანდიდატების სამუშაო ვიზიტი ქ. ჰამბურგში ხორციელდება იუსტიციის უმაღლეს სკოლაშიმათი სწავლის 5-თვიანი თეორიული სასწავლო კურსის ფარგლებში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს