ადამიანის უფლებათა კომიტეტი სუს-ის და პროკურატურის მხარესაა , - ამის შესახებ ტელეკომპანია „რუსთავი 2“-ის ეთერში პარტია „ევროპული საქართველოს“ წევრმა,  ოთარ კახიძემ განაცხადა.

მან ასევე აღნიშნა, რომ  პრემიერის წლიური ანგარიშის წარდგენაზე, რომელიც ხვალ გაიმართება, მათ გიორგი გახარიასთან მწვავე კითხვები ექნებათ.

“ანგარიშში წერია პირდაპირ, რომ ხელისუფლებამ მტკიცებულებები არ ამოიღო. ხელისუფლებამ მტკიცებულებები არ ამოიღო, ია კერზაიას საქმეზე, ხორავას ქუჩის საქმეზე, მაჩალიკაშვილის საქმეზე. ხელი დააფარეს კონკრეტულ ფიგურანტებს.

რაც შეეხება რეაგირებას, ყველა ამ საქმეზე ხელისუფლებამ რა დაკვეთაც მისცა გამოძიებას, ეს დაკვეთა სრულდება. საქმის ფიგურები არიან მართლმსაჯულების მიღმა "ქართული ოცნების" პოლიტიკური ნების გამო ეს ყველაფერი ანგარიშში ძალიან კვალიფიციურად არის აღწერილი. 2013-2019 წლებში 107 რეკომენდაციაა სახალხო დამცველის მხრიდან, რომ ხელისუფლებას და პროკურატურას რეაგირება მოეხდინა არასათანადო მოპყრობასთან დაკავშირებით, თუმცა არც ერთ ფაქტზე არ დამდგარა შედეგი. ადამიანის უფლებათა კომიტეტი, ადამიანის უფლებების მხარეს არ არის. ის არის სუს-ის მხარეს, პროკურატურის მხარეს.

რაც შეეხება ხვალინდელ დღეს, სადაც პრემიერი წლიურ ანგარიშს წარადგენს, კითხვები აუცილებლად გვექნება. პრემიერ-მინისტრი ჩვენს ქვეყანაში არ არის პრემიერ-მინისტრი. ის არის ივანიშვილის თანაშემწე. ის არ არის გადაწყვეტილების მიმღები ფიგურა. ხვალ ჩვენი კითხვები შეეხება 20 ივნისს, ღამეს, სადაც ადამიანებს თვალები დათხარეს. ვისაუბრებთ სიღარიბეზე და ეკონომიკურ სიდუხჭირეზე. ოქტომბერში კი, ხალხი ხელისუფლებას პოლიტიკურ განაჩენს გამოუტანს” , - განაცხადა ოთარ კახიძემ

ავტორი: ექსპრესნიუსი,

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს