გიორგი რურუას განცხადება სწორი მოქალაქეობრივი პოზიცია იყო, თუმცა ეს საკითხი ჩვენთვის  პრინციპულია , - ამის შესახებ ტელეკომპანია „რუსთავი 2“- ს  პარტია  „ერთიანი ნაციონალური მოძრაობის“ წევრმა სალომე სამადაშვილმა განუცხადა.

მან ასევე აღნიშნა, რომ  რურუას  სურდა არ გამხდარიყო დაბრკოლება იმ მნიშვნელოვანი ცვლილების, რომელიც ეხება კონსტიტუციას.

"ეს არის სწორი მოქალაქეობრივი პოზიცია იმ თვალსაზრისით, რომ მას არ სურს, რომ მისი პიროვნული საკითხი რამენაირად გახდეს დაბრკოლებად იმ მნიშვნელოვანი ცვლილებებისთვის, რომელიც ეხება კონსტიტუციას. მაგრამ, ჩვენთვის ეს პოზიცია არაფერს არ ცვლის, რადგან ჩვენთვის ეს საკითხი პრინციპულია, ეს არ შეეხება მხოლოდ კონკრეტულად გიორგი რურუას, ეს შეეხება იმ სამართლებრივ და პოლიტიკურ გარემოს, რომლითაც ჩვენ მივდივართ შემდეგ არჩევნებზე და შეთანხმებას, რომ ჩვენს ქვეყანაში პოლიტიკური ნიშნით მართლმსაჯულება არ უნდა განხორციელდეს“ , - განაცხადა სალომე სამადაშვილმა.

შეგახსენებთ, რომ გიორგი რურუამ სოციალურ  ქსელში განაცხადა, რომ  მესამე მოსმენით კანონპროექტს მხარი ყველამ უნდა დაუჭიროს.

ავტორი: ექსპრესნიუსი,

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს