„საშემოსავლო გადასახადის გადავადება წლის ბოლომდე არის სწორი მიმართულება, მაგრამ სანახევრო და აქედან გამომდინარე არასაკმარისი ნაბიჯი“, - ამის შესახებ „ევროპული საქართველოს“ ლიდერმა დავით ბაქრაძემ განაცხადა.

მისი თქმით, საგადასახადო ტვირთის შემსუბუქება უნდა იყოს საერთო და უნდა ეხებოდეს ყველა ბიზნეს სექტორს.

„პირველ რიგში სექტორების ასე დაყოფა მიმაჩნია არასწორად, რადგან კრიზისი მთლიან ეკონომიკას ურტყამს და ეკონომიკის ყველა სექტორს, ამიტომ უნდა იყოს საერთო ნაბიჯები, რაც ყველასთვის გაკეთდება. ამის შემდეგ უნდა ვისაუბრო დამატებით შეღავათებზე, ანუ საგადასახადო ტვირთის შემსუბუქება უნდა იყოს საერთო და უნდა ეხებოდეს ყველა ბიზნეს სექტორს.

საშემოსავლო გადასახადის გადავადება წლის ბოლომდე არის სწორი მიმართულება, მაგრამ სანახევრო და აქედან გამომდინარე არასაკმარისი ნაბიჯი, ვინაიდან ისევე როგორც ქონების გადასახადი, საშემოსავლოც უნდა განულდეს და შემდეგ უნდა შემცირდეს ყველა ბიზნესისთვის და არა მხოლოდ ტურისტულისთვის“, - განაცხადა დავით ბაქრაძემ.

ბაქრაძემ განაცხადა, რომ გაუგებარია, რატომ არ შეიძლება გაიხსნას მაღაზია, სადაც იყიდება ტანსაცმელი, აქაც ვხედავთ ფრაგმენტულ მიდგომას და არა ერთიან გააზრებულ სტრატეგიას.

„რა თქმა უნდა, მაქსიმალურად ყველაფერი უნდა გაიხსნას, მაგრამ ამ ფონზე ვხედავთ, რომ მაგალითად, კომენდანტის საათი რჩება მაშინ, როცა ვერავინ გვაგებინებს, რა საჭიროა და როგორ ებრძვის პანდემიას ქვეყანაში კომენდანტის საათი. ასევე გაუგებარია, რატომ არ შეიძლება გაიხსნას მაღაზია, სადაც იყიდება ტანსაცმელი, აქაც ვხედავთ ფრაგმენტულ მიდგომას და არა ერთიან გააზრებულ სტრატეგიას“, - აცხადებს ბაქრაძე.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

რუმინეთის პარლამენტის ქვედა პალატამ მოლდოვასთან გაერთიანების შესახებ კანონი დაამტკიცა

ტრამპმა ზელენსკი შეაქო: „ის საკმაოდ კარგ საქმეს აკეთებს“.

უკრაინამ ბოლო ერთი თვის განმავლობაში მესამედ დაბომბა ნავთობის საწყობი, რომელიც კრასნოდარის ოლქსა და ადიღეს საწვავს ამარაგებდა

ტრამპმა გამოაცხადა, რომ აშშ მზადაა ვენესუელაში მიწისძვრის გამო დახმარება გაუწიოს