თბილისის ზოოპარკს ჯერჯერობით ახალი ცხოველები არ მიუღია. როგორც "ექსპრესნიუსს" ზოოპარკის საზოგადოებასთან ურთიერთობის სამსახურის უფროსმა მზია შარაშიძემ განუცხადა, ევროპის ზოოპარკების და აკვარიუმების ასოციაციაში შემავალი ზოოპარკები მზად არიან, ცხოველები გამოაგზავნონ, თუმცა თბილისის არსებულ ზოოპარკს ცხოველებისთვის შესაფერისი ვოლიერები არ აქვს.

 შარაშიძის თქმით, ამ დროისთვის  არც ახალი ვოლიერების გაკეთება დაწყებულა, რადგან ამჟამად  ურო პრიორიტეტული, ძველი ვოლიერების შეკეთებაა.

"ცხოველების მიღება არც ისე მარტივი საკითხია. ცხოველების ჩამოყვანაზე ძნელი, ამ შემთხვევაში ჩვენთვის მათი მიღებაა. ივლისში იყო ჩამოსული ჩვენი მენტორი, რომელიც არის ევროპის ზოოპარკების და აკვარიუმების ასოციაციის წარმომადგენელი, მასთან ერთად  ვმუშაობთ ცხოველების ჩამოყვანაზე, ევროპის ზოოპარკების და აკვარიუმების ასოციაციაში შემავალი ზოოპარკები დაგვეხმარებიან და გამოგვიგზავნიან ცხოველებს, უბრალოდ, იმისათვის, რომ ცხოველი მივიღოთ, მისთვის შესაფერისი ვოლიერი და ტერიტორია უნდა არსებობდეს. ჯერჯერობით ახალი ვოლიერების მშენებლობა არ დაწყებულა, რადგან ამჟამად  ძველი, დაზიანებული, ვოლიერების აღდგენა უფრო პრიორიტეტულია. როგორც კი გადავალთ ამ ეტაპზე, მაშინ უკვე შევძლებთ გარკვეული ცხოველების მიღებას. ჩვენ ძალიან ინტენსიურად გვეხმარება ჩეხეთისა და სლოვაკეთის ზოოპარკების გაერთიანება და მათ მანქანაც გვაჩუქეს, რომელიც  ზოოპარკის საჭიროებებისთვისაა აუცილებელი და ასევე თანხის შეგროვებაზეც მიდის საუბარი, რომელსაც თავად გაუკეთებენ ორგანიზებას. ასევე ყველა ზოოპარკი არის ჩართული ცხოველების მოძიების პროცესში.ჩვენ ვაგზავნით კოლექციის სიას და ისინი თავის მხრივ,  სცდილობენ მოიძიონ ეს ცხოვლები, რომ შემდეგ მოხდეს მათი გამოგზავნა. ვიმეორებ, ეს არ მოხდება სწრაფად იმიტომ, რომ ცხოველებისთვის ვოლიერებია გასაკეთებელი",-აღნიშნა მზია შარაშიძემ და აქვე დასძინა, რომ შესაფერისი  ვოლიერების გაკეთების შემდეგ, მხოლოდ იმ ცხოველებს მიიღებენ, რომლებსაც მცირე ტერიტორია სჭირდებათ. იმ ცხოველებს კი, რომლებსაც დიდი ტერიტორია ესაჭიროებათ,  ახალ ტერიტორიაზე გადასვლის შემდეგ ჩამოიყვანენ.

როდის დაიწყება თბილისის ახალი ზოოპარკის მშენებლობა, ეს ჯერჯერობით უცნობია, თუმცა შარაშიძის თქმით,მშენებლობისთვის პირველი ნაბიჯები უკვე გადაიდგა. 

კერძოდ, მერიამ ზოოპარკის  ახალი ტერიტორიის  შემოსასზღვრად საჭირო თანხა  გამოყო და მშენებლობაც სავარაუდოდ, მალე დაიწყება.

"მერიამ გამოყო თანხები ახალი ტერიტორიის  შემოსასზღვრად, რაც ძალიან მნიშვნელოვანია, რომ შემოიღობოს ის ტერიტორია, სადაც უნდა განთავსდეს მომავალში ზოოპარკი.
შენებლობა ზუსტად როდის დაიწყება ვერ გეტყვით, თუმცა პირველი ნაბიჯები უკვე გადაიდგა სწორედ იმ სახით, რომ  როგორც აღვნიშნე,  მერიამ  გამოყო შემოსაღობი ღობისთვის საჭირო თანხა და ალბათ მალე დაიწყება მუშაობა",-განაცხადა მზია შარაშიძემ და აქვე დასძინა, რომ  დაფინანსების მოპოვებაზე საერთაშორისო ფონდებთან,  ორგანიზაციებთან და დონორებთან მუშაობა გრძელდება.

"ძალიან ოპტიმისტურად ვართ განწყობილი",-აღნიშნა მზია შარაშიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინის შეიარაღებულმა ძალებმა ვორონეჟში რაკეტსაწინააღმდეგო ნახევარგამტარების ქარხანაზე იერიში მიიტანეს

23-25 ივნისს საქართველოში მოსალოდნელია დროგამოშვებით ნალექიანი ამინდი

Nestle-მ ბრიტანეთის მიერ სანქცირებულ ტელეკომპანია „იმედში“ რეკლამის განთავსების გამო შიდა გამოძიება დაიწყო

ხალხის ფულით ივანიშვილის რეჟიმი 2026 წელს გამოშვებულ 592 ახალ ავტომობილს ₾47 მილიონად ყიდულობს