მარინა ეზუგბაიას განცხადებით, 27 ახალი ინფიცირებულიდან ოთხის დაინფიცირების წყაროს მოკვლევა მიმდინარეობს

2020-05-01 10:40:40, 12630 ნახვა

ომი უკრაინაში

27 ახალი ინფიცირებულიდან 13 პაციენტი არის ბოლნისის წყარო, ერთი - თეთრი წყაროს, ორი - მარნეულის და 4 არის საკარანტინე სივრციდან, - ამის შესახებ თბილისის ინფექციური საავადმყოფოს სამედიცინო დირექტორმა მარინა ეზუგბაიამ განაცხადა.

ეზუგბაიას განცხადებით, საკარანტინე სივრციდან გადაყვანილი 4 პაციენტის ინფიცირების წყაროს მოკვლევა კვლავ გრძელდება.

„არის 27 ახალი დადასტურებული შემთხვევა და 566 დადასტურებული შემთხვევაა ქვეყანაში დილის მონაცემებით. გამოჯანმრთელებული არის 184. ამ მონაცემების შეჯამებით, კოვიდ ცენტრებში მკურნალობს 376 პაციენტი.

ამ 27 პაციენტიდან 13 პაციენტი არის ბოლნისის წყარო. ერთი არის თეთრი წყარო, ორი არის მარნეული 4 არის საკარანტინე სივრციდან და დანარჩენის ინფიცირების წყაროს მოძიება მიმდინარეობს.

ამ 27-დან არც ერთი არაა შემოყვანილი. გვყავდა 43 პაციენტი აქედან ორი გამოჯანმრთელდა და დაგვრჩა 41 პაციენტი“, - განაცხადა მარინა ეზუგბაიამ.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან