დედაქალაქის საკრებულოს სხდომაზე, სადაც მირზაშაფის პროექტს განიხილავენ, სიტყვიერი დაპირისპირება მოხდა.

თავდაპირველად პროექტის სექტემბრამდე გადადება დამოუკიდებელმა დეპუტატმა ალეკო ელისაშვილმა მოითხოვა. 

როგორც მან განმარტა, აუცილებელია ამ პროექტის დამტკიცებამდე საკითხის განხილვაში კვალიფიციური ადამიანები ჩაერთონ. 

სხდომაზე ასევე იმყოფება მერიის არქიტექტურის სამსახურის უფროსი ნინო ღოღობერიძე, რომლის მტკიცებითაც, პროექტის განხილვა, სადაც ცვლილებები განხორციელდა, საჯაროდ ხდებოდა. 

საკრებულოს სხდომაზე მირზაშაფის კორექტირებული პროექტის დღის წესრიგიდან ამოღების საკითხს კენჭი უყარეს, თუმცა დეპუტატებმა ამას მხარი არ დაუჭირეს. 

აღნიშნულმა ელისაშვილის გაღიზიანება გამოიწვია. მასსა და ინვესტორ გიორგი სვანიძეს შორის სიტყვიერი დაპირისპირება მოხდა. სხდომას ირაკლი კაკაბაძეც ესწრებოდა და ინვესტორს მანაც შეურაცხმყოფელი სიტყვებით მიმართა. ამის შემდეგ მანდატურებმა მას სხდომა დაატოვებინეს. 

სხდომა პროტესტის ნიშნად ალეკო ელისაშვილმაც დატოვა. სხდომა ასევე პროტესტის ნიშნად „რესპუბლიკელებმა“ და „ნაციონალური მოძრაობის“ წევრებმა დატოვეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პავლოგრადზე რუსული თავდასხმის შედეგად 8 წლის გოგონა დაიღუპა

ფოდოროვი - უკრაინა მიიღებს შორ მანძილზე მოქმედ არტილერიას, ფრთოსან რაკეტებს და დრონების მხარდაჭერას

ევროკავშირის ლიდერები შეთანხმდნენ, რომ რუსეთის წინააღმდეგ სანქციები ორჯერ გაახანგრძლივონ

ბულგარეთის პრორუსულმა პრემიერ-მინისტრმა პირობა დადო, რომ ვეტოს დაადებს ევროკავშირის ახალ სანქციების პაკეტს რუსეთის წინააღმდეგ.