2020-04-13 15:40:21, 2459 ნახვა

---

თალაკვაძე - უსაფრთხოებისთვის აუცილებელი წესების დაცვის შემთხვევაში სავარაუდოდ, მაისიდან ეტაპობრივად შევძლებთ შეზღუდვების მოხსნას

უსაფრთხოებისთვის აუცილებელი წესების დაცვის შემთხვევაში სავარაუდოდ, მაისიდან ეტაპობრივად შევძლებთ შეზღუდვების მოხსნას, - ამის შესახებ საქართველოს პარლამენტის თავმჯდომარემ, არჩილ თალაკვაძემ პარლამენტის ბიუროს სხდომაზე განაცხადა.

მისი თქმით, უსაფრთხოების წესების დაცვის შემთხვევაში ქვეყანა მალე დაუბრუნდება ცხოვრების ნორმალურ რეჟიმს.

„რაც უფრო მეტად დავიცავთ წესებს, რაც უფრო მეტ ყურადღებას გავამახვილებთ ახლა უსაფრთხოებისთვის აუცილებელ შეზღუდვებზე, ეს არის წინაპირობა იმის, რომ მით უფრო მალე დავუბრუნდებით ჩვენ, ჩვენი საზოგადოება და ქვეყანა ცხოვრების ნორმალურ რეჟიმს, რომელიც კორონავირუსის პანდემიის დაწყებამდე იყო. თუ ეს პირობები შესრულდება განუხრელად, მაშინ ჩვენ შევძლებთ, რომ მაისიდან უკვე დავიწყოთ ზომების მოხსნა ეტაპობრივად იმ მოცემულობით, რის საშუალებასაც რეალური და მიმდინარე მონაცემები გვაძლევენ“, - განაცხადა არჩილ თალაკვაძემ.  

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი