2020 წლის თებერვალში წლიურმა ინფლაციამ 6.4 პროცენტი შეადგინა, ხოლო იანვართან შედარებით ფასები 0.3 პროცენტით გაიზარდა.

ამის შესახენ ინფორმაციას საქართველოს ეროვნული ბანკი აქვეყნებს.

მათი ცნობით, თებერვალში წინა თვესთან შედარებით, ფასის ყველაზე შესამჩნევი ცვლილებები სეზონური ფაქტორების გამო სურსათის ზოგიერთ პროდუქტზე დაფიქსირდა. თუმცა, რომელიმე ცალკეულ მათგანის ფასის ცვლილებას ინფლაციაზე მნიშვნელოვანი გავლენა არ მოუხდენია.

ასევე, წლიურ გამოხატულებაში, სურსათის ინფლაცია კვლავ მაღალი რჩება და თებერვალში 13.2 პროცენტს შეადგენს (3.8 პროცენტულ პუნქტიანი წვლილი მთლიან ინფლაციაში). სურსათიდან გამოსარჩევი იმერული ყველის, ძროხის ხორცის და ვაშლის გაძვირებაა. ამ პროდუქტების ჯამური წვლილი ინფლაციაში 1.3 პპ-ს უტოლდება.

გარდა ამისა, სიგარეტის ინფლაციამ 9.9 პროცენტი, ხოლო წვლილმა ინფლაციაში 0.3 პპ შეადგინა. საბაზო ინფლაცია, რომელიც სამომხმარებლო კალათიდან გამორიცხავს მაღალი მერყეობით გამორჩეულ სურსათის, ენერგომატარებლების და თამბაქოს ფასებს, თებერვალში 3.8 პროცენტს შეადგენდა.

ეროვნული ბანკის ცნობით, საბაზო ინფლაციაზე დაკვირვება მნიშვნელოვანია ფასების დონის გრძელვადიანი ტრენდის შეფასებისთვის.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს