2020-03-20 14:15:16, 6489 ნახვა

---

ბოჭორიშვილის კლინიკის დირექტორი - კორონავირუსით ინფიცირებული 3 ახალი პაციენტის მდგომარეობა დამაკმაყოფილებელია

ბოჭორიშვილის კლინიკის დირექტორი, კახა იშხნელი აცხადებს, რომ კორონავირუსით ინფიცირებული სამი პირის ჯანმრთელობის მდგომარეობა, ამ დროისთვის დამაკმაყოფილებელია.

როგორც კლინიკის ხელმძღვანელმა ჟურნალისტებთან საუბრისას აღნიშნა, პაციენტებს შორის ერთ-ერთი არასრულწლოვანია.

"3 ახალი პაციენტი შემოიყვანეს 14 რიცხვში, არის ოჯახური შემთხვევა.საბედნიეროდ გამოავლინეს მაღალი მოქალაქეობრივი თვითშეგნება, ისინი ნამყოფი არიან საზღვარგარეთ, რომლის შემდგომაც ჩამოვიდნენ ქვეყანაში და თავისი ინიციატივით გავიდნენ თვითიზიოლაციაში. ვიცით წყარო და კონტაქტები. არსებობს მინიმალური კონტაქტი, ადამიანები კარგად არიან. მდგომარეობა დამაკმაყოფილებელია და, რა თქმა უნდა, საყურადღებოა ეს ყველაფერი. მათ შორის არის 2 ზრდასრული და ერთი არასრულწოვანი", - განაცხადა იშხნელმა.

---

ავტორი: ელენე გვიმრაძე, ექსპრესნიუსის რეპორტიორი 2018 წლიდან

---

დღის თემა

მთავარი თემა

ინტერვიუ - ექსკლუზივი