2020-03-18 12:19:34, 8925 ნახვა

---

ჯანდაცვის მინისტრი აცხადებს, რომ კორონავირუსით ინფიცირების მაღალი მატების შემთხვევაში, სწავლა კვლავ გადაიდება

ჯანდაცვის მინისტრი ეკატერინე ტიკარაძე აცხადებს, რომ კორონავირუსით ინფიცირების მაღალი მატების შემთხვევაში, განათლების სამინისტროს გაეცემა რეკომენდაცია სწავლის კიდევ ერთხელ გადადებასთან დაკავშირებით.

მისივე თქმით, განათლების სამინისტრო ინტენსიურად მუშაობს დისტანციურ სწავლებაზე გადასვლასთან დაკავშირებით.

"განათლების სამინისტროსთვის გაცემული რეკომენდაცია დამოკიდებული არის ვირუსის გავრცელებაზე, იქედან გამომდინარე თუ გვექნება მაღალი მატება, ჩვენ გავცემთ რეკომენდაციას, რომ სწავლა იყოს შეჩერებული და გადავადებული კიდევ ერთხელ. რაც შეეხება დისტანციურ სწავლებას, ამასთან დაკავშირებით განათლების სამინისტრო ინტენსიურად მუშაობს და ჩვენ ვეცდებით, რომ აკადემიური წელი ბავშვებისთვის დამთავრდეს სრული მოსწრებით", - განაცხადა მინისტრმა.

---

ავტორი: ელენე გვიმრაძე, ექსპრესნიუსის რეპორტიორი 2018 წლიდან

---

დღის თემა

მთავარი თემა

ინტერვიუ - ექსკლუზივი