„პრემიერ-მინისტრმა დღეს ეკონომიკურ გუნდს დაგვავალა, დღის ბოლომდე შევიმუშავოთ ბიზნესის სტიმულირების ერთიანი კომპლექსური გეგმა. გეგმაზე  მუშაობა უკვე დაწყებული გვაქვს და დღის ბოლომდე მას დავხვეწთ. ყველაფერი დაიწყო ტურიზმის ინდუსტრიის წახალისების ღონისძიებებზე მუშაობით, მაგრამ, კორონავირუსთან დაკავშირებული გლობალური გამოწვევიდან გამომდინარე, მზად ვართ, უფრო კომპლექსური გეგმა შევთავაზოთ ეკონომიკას და ბიზნესს. გეგმა არ მოიცავს მხოლოდ ტურიზმს, არამედ შეეხება ზოგადად ბიზნესის სტიმულირებას," - განაცხადა ეკონომიკისა და მდგრადი განვითარების მინისტრმა ნათია თურნავამ მთავრობის ადმინისტრაციაში გამართულ ბრიფინგზე.

მინისტრის განცხადებით, ბიზნესის სტიმულირების სამოქმედო გეგმა საჯარო რამდენიმე დღეში გახდება. მისი თქმით, გეგმაში ერთ-ერთი ცენტრალური ნაწილი ტურიზმის ინდუსტრიას შეეხება.

„ტურიზმი, ფაქტობრივად, ფრონტის ხაზზე მყოფი ინდუსტრიაა. ის ზარალდება სწორედ იმის გამო, რომ ჩვენ შეგნებულად მივმართავთ იზოლაციას, რათა დავიცვათ ჩვენი მოსახლეობა და სხვათა შორის, მომავალი ტურისტებიც იმისგან, რომ საქართველო არ გახდეს ვირუსის საკმაოდ მაღალი გავრცელების კერა. ჩვენ ყველაფერს ვაკეთებთ, რომ კვლავ დავრჩეთ უსაფრთხო ქვეყანა და ეპიდემიოლოგიური თვალსაზრისითაც განვიმტკიცოთ უსაფრთხო ქვეყნის იმიჯი," - განაცხადა მინისტრმა.

ნათია თურნავას განცხადებით, მსოფლიო კონსოლიდირებულია კორონავირუსის გლობალური პრობლემის მოსაგვარებლად.

„დარწმუნებული ვარ, რომ ერთობლივად ჩვენ გადავლახავთ ან შევარბილებთ ამ გამოწვევას. რა თქმა უნდა, ყველაფერი დამოკიდებული იქნება იმაზე, თუ რამდენად სწრაფად მოხდება კორონავირუსთან დაკავშირებული გლობალური პრობლემის გადალახვა მთლიანად მსოფლიოში. საჭიროება გვიჩვენებს, რომ ჩვენ წინმსწრებად, სანამ სერიოზული ზეგავლენა მოხდება ჩვენს ეკონომიკაზე, დავიწყოთ ზრუნვა ეკონომიკის სტიმულირების ღონისძიებებზე; ზრუნვა ბიზნესზე; ზრუნვა დასაქმებაზე. სწორედ ამ სულისკვეთებით იქნება განმსჭვალული გეგმა, რომელსაც ჩვენ შევთავაზებთ საზოგადოებას და ბიზნესს," - განაცხადა ეკონომიკისა და მდგრადი განვითარების მინისტრმა.

ავტორი: ექსპრესნიუსი,

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს