ნატო-ში რუსეთისგან  პოტენციურ ბირთვულ საფრთხეს განიხილავენ.

ამის შესახებ ინფორმაციას გერმანული გამოცემა Deutsche Welle ავრცელებს.

გამოცემის ცნობით, თებერვალში,  ბირთვული დაგეგმარების საბჭოს სხდომა გაიმართება, რომელშიც  ნატო-ს წევრი ქვეყნების თავდაცვის მინისტრები,  რუსეთის მხრიდან ბირთვულ საფრთხეს განიხილავენ.

ცნობილია, რომ სხდომას მხოლოდ საფრანგეთის თავდაცვის მინისტრი არ დაესწრება, რადგან ის ბირთვული დაგეგმარების საბჭოს წევრი არ არის. თუმცა მასთან, აღნიშნულ საკითხთან დაკავშირებით კონსულტაციებს ცალკე გაივლიან.

Deutsche Welle-ს ცნობით, ნატო-ს შტაბ-ბინაში მომზადებულია რუსეთის მხრიდან საფრთხეების ანალიტიკური დასკვნა, რომელიც  თავდაცვის უწყებების ხელმძღვანელებს დაურიგდათ.

ამასთან  ცნობილია, რომ სხდომაზე მთავარი თემა აღმოსავლეთ და ჩრდილოეთ ევროპის საზღვრებთან ახლოს, რუსული სტრატეგიული ბომბდამშენების გახშირებული ფრენები იქნება.

როგორც ალიანსის წევრები აცხადებენ, 2014 წელს მარტო ბალტიის ზღვის არეალში 150-ზე მეტმა რუსულმა ბობდამშენმა განახორციელა ფრენა, რაც ოთხჯერ აღემატება წინა წელს განხორციელებული ფრენების რაოდენობას.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პაპუაშვილი – 12 აგვისტო, ერთი მხრივ, არის დიდგორის გამარჯვების დღე, მეორე მხრივ კი, 2008 წლის კაპიტულანტური შეთანხმების დღე

კალაძე რუს ბლოგერს არწმუნებდა, რომ რუსებს საქართველოში დაუვიწყარი დღეები ელით

ვადაგასული პროდუქცია და ჰიგიენის უხეში დარღვევები - „ანაკლიას“ საწარმოო პროცესი შეუჩერეს

სასკოლო ფორმის ყიდვა ნაღდი ფულით შეუძლებელი იქნება - სამინისტრომ რეალიზაციის წესი დაამტკიცა