უკრაინა მარიუპოლის დაბომბვის გამო გაერო-ს უშიშროების საბჭოს მოწვევას ითხოვს.

ამის შესახებ უკრაინის პრემიერ-მინისტრმა არსენი იაცენიუკმა განაცხადა.

„მივმართავთ ჩვენს დასავლელ პარტნიორებს და გაერო-ს უშიშროების საბჭოს წევრებს, უმოკლეს ვადაში მოიწვიონ გაეროს უშიშროების საბჭო, რადგან რუსეთი არღვევს არა მხოლოდ მინსკის შეთანხმებებს, არამედ საერთაშორისო სამართლისა და ჰუმანურობის ფუძემდებლურ პრინციპებს“, - განაცხადა იაცენიუკმა.

უკრაინის პრემიერი დღესვე დიდი შვიდიანისა და უშიშროების საბჭოს წევრი ქვეყნების ელჩებს შეხვდება.

იაცენიუკმა ევროკავშირს რუსეთის მიმართ ხისტი რეაქციისკენ მოუწოდა.

ცნობისთვის, ე.წ. დონეცკის სახალხო რესპუბლიკის მხრიდან მარიუპოლის დაბომბვა გრძელდება. ბოლო მონაცემებით, არტილერიული იერიშის შედეგად 16 ადამიანი დაიღუპა, 83 კი დაშავდა. მათგან 11-ის მდგომარეობა უკიდურესად მძიმეა. ქალაქის საავადმყოფოები საგანგებო რეჟიმში მუშაობენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პაპუაშვილი – 12 აგვისტო, ერთი მხრივ, არის დიდგორის გამარჯვების დღე, მეორე მხრივ კი, 2008 წლის კაპიტულანტური შეთანხმების დღე

კალაძე რუს ბლოგერს არწმუნებდა, რომ რუსებს საქართველოში დაუვიწყარი დღეები ელით

ვადაგასული პროდუქცია და ჰიგიენის უხეში დარღვევები - „ანაკლიას“ საწარმოო პროცესი შეუჩერეს

სასკოლო ფორმის ყიდვა ნაღდი ფულით შეუძლებელი იქნება - სამინისტრომ რეალიზაციის წესი დაამტკიცა