„შევთანხმდით, რომ პირველ რიგში, უფრო აქტიურად ვიმუშავებთ არა იმდენად ფიზიკური ინფრასტრუქტურის განვითარებაზე, რადგან თითოეული ჩვენთაგანი, მათ შორის საქართველო, ძალიან ბევრ ინვესტიციას ახორციელებს გზების, რკინიგზის, სხვა ინფრასტრუქტურის განვითარებაში, არამედ პროცედურების დიჯიტალიზაციაზე. საზღვრებზე ჩვენი პროცედურები იკავებს მაქსიმუმ სამ-ოთხ დღეს, რაც საკმაოდ კარგი მიღწევაა, მაგრამ სამომავლოდ, კიდევ უფრო მეტი სისწრაფე და სიმარტივე გვჭირდება, იმიტომ, რომ  ჩვენ გვაქვს ამბიცია, ვიყოთ რეგიონში ბიზნესის მიმართ ერთ-ერთი ყველაზე მეგობრული და გახსნილი ქვეყანა, - განაცხადა ეკონომიკისა და მდგრადი განვითარების მინისტრმა ნათია თურნავამ.

მინისტრი ცენტრალური სპიკერი იყო თბილისის აბრეშუმის გზის ფორუმის ერთ-ერთ პანელზე, რომელიც აბრეშუმის გზის ქვეყნებს შორის სატრანსპორტო კავშირების განვითარებას შეეხებოდა.

თბილისის აბრეშუმის გზის ფორუმი, რომელიც წელს მესამედ ტარდება, დღეს ოფიციალურად საქართველოს პრემიერ-მინისტრმა გახსნა.

წლევანდელ ფორუმს 60-ზე მეტი ქვეყნის 2000-ზე მეტი დელეგატი დაესწრო, რომელთა შორისაც არიან ვიცე-პრემიერები, ეკონომიკის, ტრანსპორტის, ენერგეტიკის, ვაჭრობისა და სხვა უწყებების უმაღლესი თანამდებობის პირები, საერთაშორისო, საფინანსო და დონორი ორგანიზაციების, პროფესიული ასოციაციებისა და კერძო სექტორის წარმომადგენლები.

(NS)

ავტორი: ექსპრესნიუსი,

სოციალური ქსელები

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება

პოლიციამ ფატიმა კარიმოვას მკვლელობისთვის ძებნილი ბიძაშვილი, ემინ ალიევი ბათუმის საერთაშორისო აეროპორტში დააკავა

Apple-მა OpenAI-ს უჩივლა და კომპანიას სავაჭრო საიდუმლოებების მოპარვაში დასდო ბრალი