„თბილისის აბრეშუმის გზის ფორუმზე" ბულგარეთის რესპუბლიკის ტრანსპორტის, ინფორმაციული ტექნოლოგიისა და კომუნიკაციების მინისტრმა როსენ ჟელიაზკოვმა ევროპა-აზიის დამაკავშირებელი სატრანსპორტო ინფრასტუქტურის და ამ კუთხით საქართველოს მნიშვნელობაზე ისაუბრა.

პანელზე „სატრანსპორტო კავშირები - ტრანსფორმაცია აბრეშუმის გზის გასწვრივ და  მიღმა" აბრეშუმის გზის გასწვრივ ქვეყნებს შორის სატრანსპორტო კავშირების გაუმჯობესების პერსპექტივები განხილვის ერთ-ერთი მთავარი თემა იყო. როგორც ბულგარეთის ტრანსპორტის მინისტრმა აღნიშნა, ტრანსევროპული სატრანსპორტო ქსელის გაფართოება აღმოსავლეთ პარტნიორობის ფორმატის ერთ-ერთი მნიშვნელოვანი შემადგენელი ნაწილია. „სწორედ ამიტომ შავი ზღვის ეკონომიკური თანამშრომლობა არის მნიშვნელოვანი. და ეს არ გულისხმობს მხოლოდ შავი ზღვის გარშემო მყოფი ქვეყნების შეკრებას, არამედ ისეთი ქვეყნებისთვისაც,  როგორიცაა - გერმანია, აშშ და ა. შ რათა, მათაც დაინახონ ის პოტენციალი, რაც შავი ზღვის რეგიონში არსებობს. სატრანსპორტო კომუნიკაცია და კავშირი არის ერთ-ერთი საშუალება, რომ მოგვარდეს ყველა პოლიტიკური საკითხი, რომლის წინაშეც დღეს შეიძლება ქვეყნები იდგნენ", - აღნიშნა როსენ ჟელიაზკოვმა.

მან ასევე ხაზი გაუსვა შავი ზღვის და კასპიის ზღვის სატრანსპორტო დერეფნის განვითარების მნიშვნელობას. „მნიშვნელოვანი დერეფნების მეშვეობით ჩვენ ვცდილობთ, განვავითაროთ შავი ზღვის და კასპიის ზღვის სატრანსპორტო დერეფანი და ამ კუთხით მჭიდროდ ვთანამშრომლობთ ჩვენს პარტნიორებთან, ვინაიდან დერეფანი არ გახლავთ მხოლოდ ინფრასტრუქტურული საკითხი, არამედ ეს უკავშირდება პოლიტიკურ თემასაც - ეს არის ფიზიკური და არაფიზიკური ბარიერების მოხსნა", - განაცხადა ბულგარეთის რესპუბლიკის ტრანსპორტის, ინფორმაციული ტექნოლოგიისა და კომუნიკაციების მინისტრმა.

(NS)

ავტორი: ექსპრესნიუსი,

სოციალური ქსელები

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება

პოლიციამ ფატიმა კარიმოვას მკვლელობისთვის ძებნილი ბიძაშვილი, ემინ ალიევი ბათუმის საერთაშორისო აეროპორტში დააკავა

Apple-მა OpenAI-ს უჩივლა და კომპანიას სავაჭრო საიდუმლოებების მოპარვაში დასდო ბრალი