იუსტიციის საბჭოს არამოსამართლე წევრი, ანა დოლიძე სააპელაციო სასამართლოს ვადების დარღვევაში ადანაშაულებს, - ამის შესახებ მან სასამართლო სისტემის შეფასებისას განაცხადა. 

როგორც დოლიძემ აღნიშნა, მის მიერ სააპელაციო სასამართლოში შეტანილ სარჩელზე ამ დრომდე სხდომა არ დანიშნულა. 

"მოსამართლე დიმიტრი გვრიტიშვილმა სრულიად უსამართლოდ დამაბრალა რუსეთის აგენტობა რის გამოც, მე სასამართლოს მეშვეობით მას პასუხი მოვთხოვე. თითქმის ერთი წელია, რაც სააპელაციო სასამართლოში დევს ჩემი საქმე და სააპელაციო სასამართლოდან გადაწყვეტილება ვერ მივიღე, რაც ჩვენი ყველა საკანონმდებლო ნორმის დარღვევაა. საპროცესო კანონმდებლობით, სასამართლოს აქვს 5-თვიანი ვადა და ამ დროის განმავლობაში უნდა გამოეტანა გადაწყვეტილება. სააპელაციო სასამართლომ ყველა ვადა დაარღვია. "კლანს" უნდა უზენაესი სასამართლო თავისი ხალხით დააკომპლექტოს“- განაცხადა ანა დოლიძემ. 

ცნობისთვის, იუსტიციის საბჭოს არამოსამართლე წევრმა ანა დოლიძემ საბჭოს წევრის დიმიტრი გვრიტიშვილის წინააღმდეგ სააპელაციო სასამართლოში სარჩელი გასული წლის 13 ნოემბერს შეიტანა, თუმცა ამ დრომდე სასამართლო სხდომა არ დანიშნულა.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს