ეკონომიკისა და მდგრადი  განვითარების მინისტრი ნათია თურნავა კორეის რესპუბლიკის იმპორტიორთა ასოციაციის (KOIMA) წევრ კომპანიებს შეხვდა.

საქართველოში KOIMA-ს წევრი კომპანიების ვიზიტის მიზანი ქართული წარმოებისა და პროდუქციის კიდევ უფრო უკეთ გაცნობა და საქართველოს საექსპორტო შესაძლებლობების შესწავლაა.

ეკონომიკისა და მდგრადი განვითარების მინისტრთან შეხვედრისას ერთ-ერთი მთავარი საკითხი სწორედ საქართველოს საექსპორტო შესაძლებლობების გაცნობა და კორეულ ბაზარზე ქართველი მეწარმეებისთვის შესვლის პროცესში მხარდაჭერა იყო.

„ჩვენთვის მნიშვნელოვანია მაქსიმალური მხარდაჭერა აღმოვუჩინოთ ქართველ მეწარმეებს და ხელი შევუწყოთ ახალი ბაზრების ათვისებაში. ამ თვალსაზრისით, რა თქმა უნდა, მნიშვნელოვანია დღევანდელი შეხვედრა, რომლის დროსაც კორეელ სტუმრებს გავაცანით ქართული პროდუქციის საექსპორტო შესაძლებლობები", - განაცხადა ნათია თურნავამ.

თავის მხრივ, კორეის იმპორტიორთა ასოციაციის თავმჯდომარე ჰონგ კვანგ-ჰიმმა აღნიშნა, რომ ქართული პროდუქცია საკმაოდ კონკურენტუნარიანია.

„ჩემი მიზანია, კორეელ მომხმარებლებს ქართული პროდუქცია გავაცნო და რაც შეიძლება, მეტი ქართული პროდუქტი ვიხილო კორეულ ბაზარზე", - განაცხადა ჰონგ კვანგ-ჰიმმა.

დღესვე თბილისში საქართველო-კორეის ბიზნესფორუმი გაიმართა, რომელიც ეკონომიკის სამინისტროს სააგენტოს „აწარმოე საქართველოში" ორგანიზებითა და კორეის რესპუბლიკაში საქართველოს საელჩოს ჩართულობით გაიხსნა. ფორუმს ქართული მხრიდან 40-მდე კომპანია ესწრებოდა.

(NS)

ავტორი: ექსპრესნიუსი,

სოციალური ქსელები

იოსებ სიგუამ თანამდებობა დატოვა და ცილისწამებისთვის ჩივილს აპირებს

იძალადეს არასრულწლოვანსა და მის ოჯახის წევრზე, მოზარდი დაჭრეს - დაკავებულია 3 პირი

უკრაინამ აზოვის ზღვაში 21 რუსული ტანკერის განადგურების შესახებ განაცხადა

ლექსო ლაშქარავას მკვლელობიდან 5 წელი გავიდა, შემსრულებლები გარეთ არიან, ორგანიზატორები დაუსჯელები