კომპანია OPPO - მ ახალი სმარტფონი დაამზადა, რომლის ეკრანს შემქმნელებმა ჩანჩქერი (Waterfall Screen) დაარქვეს.  ბრენდის აღმასრულებელმა დირექტორმა ბრაიან შენმა სოციალურ ქსელ Weibo-ში სმარტფონის პირველი სურათები გამოაქვეყნა.თუ სმარტფონის წინა მხარეს შეხედავთ, გარდა მცირე ქვედა და ზედა ჩარჩოებისა მხოლოდ ეკრანს დაინახავთ. ეს ეფექტი მიიღწევა იმით, რომ "ამოლედ" ეკრანის გვერდები 88 გრადუსით არის მოღუნული. ეს ბევრად უფრო მეტია, ვიდრე OPPO-ს კონკურენტებს "სამსუნგს" და "ჰუავეის" ფლაგმანებს აქვთ. ამასთან ერთად ახალი ეკრანის გვერდების შეფარდება 21:9-ზე გამოდის, როგორც ამ წლის Sony Xperia 1-ს აქვს. 

კიდევ ერთი სიახლე იმაში მდგომარეობს, რომ წინა კამერა სავარაუდოდ ეკრანის უკან არის "დამალული" , რაც მოწყობილობას მონოლითურობას შეუნარჩუნებს. 
სმარტფონის მონაცემები ,ზომები და სიმძლავრე ჯერჯერობით უცნობია. 
 
კომპანია OPPO ბოლო წლებში სმარტფონების გაყიდვაში დიდ წარმატებებს აღწევს და ეს მას ასეთი თამამი და გაბედული პროექტების შესრულების შესაძლებლობას აძლევს.

ავტორი: გიორგი ბაზაევი, ექსპრესნიუსის რეპორტიორი 2010 წლიდან

სოციალური ქსელები

პაპუაშვილი – 12 აგვისტო, ერთი მხრივ, არის დიდგორის გამარჯვების დღე, მეორე მხრივ კი, 2008 წლის კაპიტულანტური შეთანხმების დღე

კალაძე რუს ბლოგერს არწმუნებდა, რომ რუსებს საქართველოში დაუვიწყარი დღეები ელით

ვადაგასული პროდუქცია და ჰიგიენის უხეში დარღვევები - „ანაკლიას“ საწარმოო პროცესი შეუჩერეს

სასკოლო ფორმის ყიდვა ნაღდი ფულით შეუძლებელი იქნება - სამინისტრომ რეალიზაციის წესი დაამტკიცა