„დელიმიტაციის საკითხი მუდმივად დგას საქართველო-აზერბაიჯანის ორმხრივი ურთიერთობის დღისწესრიგში“, - ამი შესახებ საგარეო საქმეთა მინისტრმა, დავით ზალკალიანმა ბრიფინგზე განაცხადა.

მისივე ინფორმაციით, დავით გარეჯის თემაზე სპეკულაციები ორივე ქვეყნისთვის დამაზიანებელია.

„კიდევ ერთხელ მინდა, რომ საზოგადოებას მოვუწოდო, დავით გარეჯის თემა არის მართლაც მგრძნობიარე საკითხი და ამ საკითხებზე ზედმეტი სპეკულაციები მხოლოდ და მხოლოდ დამაზიანებელია და ამიტომ აუცილებელია, რომ კომისიას მიეცეს შესაძლებლობა ნორმალურ პირობებში გააგრძელოს მუშაობა. რაც შეეხება საკითხს, ეს თემა, დელიმიტაციის საკითხი მუდმივად დგას საქართველო-აზერბაიჯანის ორმხრივი ურთიერთობის დღისწესრიგში, მნიშვნელობა არ აქვს რომელი თანამდებობის პირის ვიზიტი ხორციელდება აზერბაიჯანში ან რომელი თანამდებობის პირთან გვაქვს ჩვენ ურთიერთობა. როდესაც გავდივართ ორმხრივი ურთიერთობის საკითხებს, იქ არის მთელი ჩამონათვალი და ბუნებრივია, დელიმიტაციის კომისიის მუშაობის განახლების საკითხი არის ურთიერთობის დღისწესრიგის მნიშვნელოვანი მიმართულება“, - აღნიშნა დავით ზალკალიანმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ვაკის პარკის შადრევნის საქმეზე დაკავებული ლაშა ფურცხვანიძე ციხიდან ვადაზე ადრე გაათავისუფლეს

უკრაინის რადამ ახალ პრემიერ-მინისტრად სერგეი კორეცკი დაამტკიცა

ComCom ფორმულას ტერმინების გამო კანონის დარღვევას უკვე მესამედ ედავება

მარია ზახაროვა - საქართველოს დამოუკიდებლობა დასავლეთისთვის ყელში გაჩხერილი ძვალი გახდა