საქართველოს შეიარაღებული ძალების ეროვნულ გვარდიაში სამხედრო-სამოქალაქო საგანგებო მზადყოფნის ფარგლებში (CMEP), სამუშაო შეხვედრა გაიმართა.

თავდაცვის სამინისტროს ინფორმაციით, ღონისძიებას საქართველოს შეიარაღებული ძალების ეროვნული გვარდიის, გენერალური შტაბის J-3 ოპერატიული დაგეგმვის დეპარტამენტის, შინაგან საქმეთა სამინისტროს საგანგებო სიტუაციების მართვის დეპარტამენტის, ასევე, სხვადასხვა სამინისტროსა და საერთაშორისო ორგანიზაციის წარმომადგენლები დაესწრნენ.

სამუშაო შეხვედრის მთავარ მიზანს ფართომასშტაბიანი კატასტროფის დროს უწყებათშორისი თანამშრომლობა, რესურსების ეფექტური გადანაწილება და კრიზისებზე რეაგირება წარმოადგენდა. ერთ-ერთი მთავარი საკითხი თბილისში მომხდარი წყალდიდობა იყო. მონაწილეებმა დეტალურად განიხილეს უწყებების მოქმედებები სტიქიური უბედურების დროს. სამუშაო შეხვედრაზე 2015 წელს დაგეგმილი, ერთობლივი ქართულ-ამერიკული სწავლების მომზადების საკითხიც განიხილეს.

შეხვედრაზე საქართველოს შეიარაღებული ძალების გენერალური შტაბის უფროსის მოადგილე, პოლკოვნიკი გიორგი კბილცეცხლაშვილი იმყოფებოდა.

სამუშაო შეხვედრის თანაორგანიზატორები არიან აშშ-ის საგანგებო სიტუაციათა ფედერალური სააგენტო, არმიის ინჟინერთა კორპუსი და აშშ-ს ჯორჯიის შტატის ეროვნული გვარდია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობა ფარტენაძის მიმართ ძალადობისა და დანით დაჭრის მუქარის ბრალდებით დაკავებულები გირაოს სანაცვლოდ გათავისუფლდნენ

22-წლიანი პაუზის შემდეგ ქართული საკლუბო ფეხბურთი ევროპულ ასპარეზს დაუბრუნდა

გოცირიძე - „ოცნების“ მთავრობის ნებართვით აფხაზეთში ქართული კომპანიის მიერ საწვავის შეტანა ნიშნავს რუსეთის სამხედრო ბაზების მომარაგებას

თეირანი აშშ-სთან ცეცხლის შეწყვეტის შეთანხმების გახანგრძლივების შესახებ ცნობებს უარყოფს