„ადამიანის უფლებების სწავლებისა და მონიტორინგის ცენტრი“ (EMC) პანკისის  ხეობაში დაგეგმილი ჰესების მშენებლობასთან დაკავშირებით მოსახლეობის სახელით  4 სასამართლო დავას აწარმოებს.

ორგანიზაციის ცნობით, „ხადორი 3“ ჰესთან დაკავშირებით, ადგილობრივი მოსახლეობის სახელით წარდგენილია 2 სარჩელი.

„ერთი სარჩელი შეტანილია ახმეტის მუნიციპალიტეტის მერიის წინააღმდეგ, რომელმაც კანონდარღვევით გასცა მშენებლობის ნებართვა ჰესის მშენებლობაზე. საქმეს განიხილავს თელავის რაიონული სასამართლო.

"ხადორი 3-ზე" მეორე სარჩელი შეტანილია, გარემოს დაცვისა და სოფლის მეურნეობის სამინისტროს წინააღმდეგ, რომელმაც უკანონოდ გასცა დადებითი ეკოლოგიური ექსპერტიზის დასკვნა. მითითებულ საქმეს განიხილავს თბილისის საქალაქო სასამართლო.

„ხადორი 3-ის“ დავის ფარგლებში EMC-მ შუამდგომლობა დააყენა და ითხოვდა, სამშენებლო სამუშაოების შეჩერებას, დავაზე საბოლოო გადაწყვეტილების გამოტანამდე, თუმცა, სასამართლომ შუამდგომლობა არ დააკმაყოფილა იმ დასაბუთებით, რომ იმ პერიოდისთვის, ვერ დაინახა სამშენებლო სამუშაოების შეჩერების გადაუდებელი აუცილებლობა“, - აცხადებენ ორგანიზაციაში.

კიდევ 2 სარჩელი ,,სამყურისწყალი 2 ჰესი“-ს მშენებლობას უკავშირდება:

„EMC ადგილობრივი მოსახლეობის სახელით, მოითხოვს ,,სამყურისწყალი 2 ჰესი-ს" იმ აქტების ბათილად ცნობას, რომლის საფუძველზეც შესაძლებელი გახდა პანკისის ხეობაში ამ ჰესის მშენებლობა. აქაც, სამართლებრივი დავა ორი მიმართულებით მიმდინარეობს: მშენებლობის ნებართვისა და ეკოლოგიური ექსპერტიზის კანონიერებასთან დაკავშირებით“, - ნათქვამია EMC-ს ინფორმაციაში.

ჯერჯერობით არცერთ საქმესთან დაკავშირებით არსებითი განხილვა არ დაწყებულა.

შეგახსენებთ, პანკისის ხეობაში დაგეგმილი ჰესების მშენებლობის დაწყებას პოლიციასა და მოსახლეობას შორის დაპირისპირება მოჰყვა. დაპირისპირების შედეგად 27 ადამიანი დაშავდა, რომელთაგან 12 ადგილობრივი, ხოლო 15 სპეცრაზმელია.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს