„ბულგარეთი მნიშვნელოვანი კარიბჭეა ჩვენთვის ევროპაში და გვინდა, გავაღრმავოთ ჩვენი სატრანსპორტო კორიდორი ამ ქვეყანასთან. ეს ეხება როგორც საბარჟო, ასევე სხვა სატრანსპორტო საშუალებების, მათ შორის, საკონტეინეროს გამოყენებას“,  -ამის შესახებ  ეკონომიკისა და მდგრადი განვითარების მინისტრმა გიორგი ქობულიამ ბულგარეთის ტრანსპორტის, საინფორმაციო ტექნოლოგიებისა და კომუნიკაციების მინისტრთან როსენ ჟელიაზკოვთან შეხვედრის შემდეგ განაცხადა.

აღნიშნული შეხვედრა საქართველოს ეკონომიკისა და მდგრადი განვითარების მინისტრის ბულგარეთში  ვიზიტის ფარგლებში გაიმართა. გიორგი ქობულია 5 აპრილს როსენ ჟელიაზკოვთან ერთად მონაწილეობას მიიღებს საქართველო - ბულგარეთის სავაჭრო - ეკონომიკური და სამეცნიერო - ტექნიკური თანამშრომლობის სამთავრობოთაშორისი კომისიის მე-6 სხდომაში და ხელს მოაწერენ კომისიის სხდომის ოქმს.

აღსანიშნავია, რომ საქართველოს და ბულგარეთის პორტს ბურგასს შორის ინტენსიური საბორნე მიმოსვლა განახლდა 2015 წლიდან და ყოველწლიურად ბურგასი - ბათუმის საზღვაო ნავსადგურებს შორის საავტომობილო ბორნით გადაზიდული სატრანსპორტო საშუალებების რაოდენობა ზრდადი დინამიკით ხასიათდება. 2018 წელს, 2017 წელთან შედარებით,  გადაზიდული სატრანსპორტო საშუალებების რიცხვი 9,4 პროცენტით მეტი იყო.

(NS)

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ცაგერის საკრებულოს დეპუტატი „ქურდული სამყაროს“ მხარდაჭერის ბრალდებით დააკავეს

მარეგულირებელი კომისიის მიერ ტვ პირველისთვის დაკისრებული სანქციის გამო, ევროსაბჭომ განგაში გამოაცხადა

ე.წ. ქურდული გარჩევების საქმეზე დაკავებული ლალო გველესიანი და სხვა პირები პატიმრობაში გაუშვეს

ირაკლი კუპრაძე: ვერაფერი გადაფარავს სიმართლეს - ალეკო ელისაშვილის დაჩაგვრას ცდილობს მურუსიძის სასამართლო, არ გამოვა ეგ საქმე