მაშველებმა წყნეთის ქუჩაზე მდებარე ავტოფარეხიდან მანქანა ამოიყვანეს

2015-06-19 12:13:26, 433 ნახვა

საზოგადოება

წყნეთის ქუჩა N13-ში მდებარე ავტოფარეხიდან მაშველებმა სპეციალური ტექნიკის გამოყენებით ადგილობრივი მცხოვრების მანქანა უვნებლად ამოიყვანეს.

ამის შესახებ „ექსპრესნიუსს“ თბილისის მერიიდან აცნობეს.

მათივე ცნობით, აღნიშნულ მისამართზე სტიქიის შედეგად მიწა ჩამოიშალა და მანქანის ავტოფარეხიდან გამოყვანა შეუძლებელი გახდა.

ამასთან, სტიქიამ საძირკველი გამოაცალა ავტოფარეხს და ტერიტორიაზე მიმდინარე გამაგრების სამუშაოებს საფრთხე ექმნებოდა.

ადგილზე იმყოფებოდა თბილისის მერი დავით ნარმანია.

მისი თქმით, მაშველებმა ძალიან კარგად და ოპერატიულად იმუშავეს და მანქანა ამოიყვანეს.

მანქანის ავტოფარეხიდან ამოყვანის პროცესში მონაწილეობას იღებდნენ თბილისის მერიის, შინაგან საქმეთა სამინისტროს სსიპ საგანგებო სიტუაციების მართვის სააგენტოს და საქართველოს რეგიონული განვითარებისა და ინფრასტრუქტურის სამინისტროს თანამშრომლები.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან