ოპოზიციური სპექტრი, ვადამდელი არჩევნების ჩატარების და საარჩევნო სისტემის შეცვლის მოთხოვნით ერთიანდება.

"ლეიბორისტული პარტიის" ოფისში გამართულ კონსულტაციებზე, ოპოზიციური პარტიების საკონსულტაციო საბჭო შეიქმნა.

როგორც გაერთიანებული ოპოზიციის "ძალა ერთობაშიას" პრეზიდენტობის ყოფილი კანდიდატი გრიგოლ ვაშაძე აცხადებს, ქვეყანაში არსებული პოლიტიკური კრიზისის ფონზე, აუცილებელია შეიცვალოს საარჩევნო სისტემა, ასევე საარჩევნო ადმინისტრაციების დაკომპლექტების წესი, რის შემდეგაც ქვეყანაში ვადამდელი საპარლამენტო არჩევნები უნდა დაინიშნოს.

"აბსოლუტურად ყველა ოპოზიციური პარტია მხარს უჭერს სამ მოთხოვნას - ვადამდელი საპარლამენტო არჩევნები, საარჩევნო კომისიების, დაწყებული საარჩევნო კომისიიდან, საუბნო კომისიამდე, მათი დაკომპლექტების წესების ძირეული ფუნდამენტალური, სამართლიანობისკენ მიმავალი ცვლა და მესამე, პროპორციულ სისტემაზე გადასვლა. იმიტომ, რომ ამ პირობებში, საქართველო ვერც პოლიტიკურად იარსებებს, ვერც ეკონომიურად იარსებებს. რაც ყველაზე დიდი უბედურებაა, ყველა მომდევნო არჩევნები დღევანდელი ე.წ. ხელისუფლების პირობებში ემსგავსება იმ უმსგავსობას, რაც მოხდა მეორე ტურში", - განაცხადა ვაშაძემ. 

კონსულტაციებში მონაწილეობას "ლეიბორისტული პარტიის" ლიდერი შალვა ნათელაშვილი, ედპ-ს ლიდერი ბაჩუკი ქარდავა, ”ქართველ ტრადიციონალისტთა კავშირის” თავმჯდომარე აკაკი ასათიანიც იღებდნენ.  

ავტორი: ,

სოციალური ქსელები

ტრამპმა ოფიციალურად აცნობა კონგრესს ირანზე აშშ-ის საჰაერო დარტყმების განახლების შესახებ

უკრაინის პრემიერ-მინისტრმა სვირიდენკომ თანამდებობიდან გადადგომის შესახებ განცხადება დაწერა

თბილისის მერია ადასტურებს, რომ ე.წ. რიყის დოქების დემონტაჟის ნებართვა გაიცა

პუტინი ცხინვალის მარიონეტ კამბოლოვს: ველოდები, რომ გაგლოევის „განვითარებულ მოვლენებს“ გამოიყენებთ