სამი არასამთავრობო ორგანიზაციის  თქმით, ყალბი პირადობის მოწმობების შესახებ მათ მიერ გავრცელებული ცნობა შესაძლოა არასანდო იყო, - ამის შესახებ ინფორმაციას  ტელეკომპანია „იმედი“ ავრცელებს.

NGO-ებს განმარტება მას შემდეგ მოუხდათ, რაც არჩევნების დღეს არც ერთ უბანზე ყალბი პირადობის მოწმობის გამოყენების ფაქტი არ გამოვლენილა.

„ჩვენ ყოველ შემთხვევაში ამის დამადასტურებელი ინფორმაცია ვერ მოვიპოვეთ, რომ ასეთი სქემა რეალურად განხორცილედა. არაფრის გამორიცხვა არ შეიძლება, თავს ვერ დავდებ, რომ რეალურად ვინც ინფორმაცია მოგვაწოდა, 100 პროცენტით არის სუფთა“, - განაცხადა „საერთაშორისო გამჭვირვალეობა - საქართველოს“ პროგრამის მენეჯერმა, ლევან ნატროშვილმა.

პირველწყაროს, ანუ სიყალბის ავტორს არასამთავრობოები ისევ არ ასახელებენ.

„ყალბი პირადობის მოწმობების უშუალოდ აღმოჩენილი ფაქტები ნამდვილდ არ დაფიქსირებულა, თუმცა ეს იმას არ ნიშნავს, რომ ასეტი რამ შესაძლოა სხვაგან არ ყოფილიყო. ვინც ჩვენ ინფორმაცია მოგვაწოდა შეიძლება ვინმეს მხარდამჭერი იყო, ამას ვერ დავადასტურებ“, - განაცხადა „სამართლიანი არჩევნების“ აღმასრულებელმა დირექტორმა, მიხეილ ბენიძემ.

შეგახსენებთ, რომ 20 ნოემბერს „საერთაშორისო გამჭირვალობა - საქართველომ“, „ახალგაზრდა იურისტთა ასოციაციამ“ და „სამართლიანმა არჩევნებმა“ არჩევნების შესაძლო გაყალბების ფაქტზე ინფორმაცია გაავრცელეს. სახელმწიფო სერვისების განვითარების სააგენტოს თავმჯდომარემ, სოსო გიორგაძემ გავრცელებულ ინფორმაციას ჭორი უწოდა. პროკურატურამ კი გამოძიება დაიწყო.

ავტორი: ,

სოციალური ქსელები

პუტინი ცხინვალის მარიონეტ კამბოლოვს: ველოდები, რომ გაგლოევის „განვითარებულ მოვლენებს“ გამოიყენებთ

მასშტაბური კორუფციის გამო მერიამ „რიყის დოქების“ დანგრევა გადაწყვიტა - აბესაძე

რუსეთში, ბენზინის დეფიციტის გამო, საავადმყოფოებისთვის, სახანძრო სამსახურებისთვის და საზოგადოებრივი კომუნალური კომპანიებისთვის საწვავის შესყიდვა შეფერხდა

აშშ-ის სახელმწიფო მდივანი მარკო რუბიო ვენესუელას ფაქტობრივი მმართველი გახდა -The New York Times