კარგად ვერ იმუშავა „ნაციონალური მოძრაობის“ დაზვერვამ, პარტიულმა „ეფ-ეს-ბემ“, გვიან გაიგეს ხვალინდელი ინიციატივის შესახებ, რომელიც მთავრობის სხდომაზე პრემიერის მიერ დაანონსდება, – ამის შესახებ საპარლამენტო უმრავლესობის წევრმა, აკაკი ზოიძემ განაცხადა.

„რაღაც ორგროშიანი სპექტაკლი მოაწყვეს, შეთითხნილი სცენარით, თუ რა შეიძლება გაკეთდეს პრობლემის გადასაჭრელად“, – აღნიშნა აკაკი ზოიძემ.

მისი თქმით, ჭარბვალიანობის პრობლემა „ქართული ოცნების“ ხელისუფლებამ მემკვიდრეობით მიიღო წინა ხელისუფლებისგან და ამ პრობლემის მოგვარებას მნიშვნელოვანი ნაბიჯები სჭირდება.

„ნაწილი გადაიდგა, როცა საუბარი იყო ჯარიმის განახევრებაზე, საბანკო პროცენტზე ზღვრის დაწესებაზე. მომავალში რეგულაციები შემოვა და საცხოვრისის დაკარგვის საფრთხის ქვეშ არ იქნება ადამიანი. მომავალში იპოთეკარების კასტა არ გვეყოლება, რომელიც „ნაციონალური მოძრაობის“ პოლიტიკის შედეგად შეიქმნა. ნაწილი სამედიცინო სესხებს იღებდა, ნაწილმა საპროცესო შეთანხმებების გამო აიღო სესხი. გამოატანინებდნენ მათივე ბანკებიდან სესხს და ჩაადებინებდნენ ბინას. ეს ბინა შემდეგ იკარგებოდა. ასეთი ფაქტები რომ არ მოხდეს, მთავრობას აქვს ახალი ინიციატივა, რომელსაც პრემიერი გააჟღერებს“, – აღნიშნა აკაკი ზოიძემ.

ავტორი: ,

სოციალური ქსელები

კობახიძემ მოიტყუა როცა თქვა, რომ 2011 წლის აქციის დარბევაზე დასავლეთს და ევროპულ სტრუქტურებს რეაქცია არ ჰქონიათ

კობახიძე - არაფორმალური ოლიგარქიული გავლენებით მოქმედი სხვა ევროპული ინსტიტუტების მსგავსად, უკვე ეუთოც ღიად ჩართეს პროცესში

რუმინეთის საგარეო მინისტრი - საქართველს უნდა ჰქონდეს ჯანსაღი დემოკრატია

საქართველოს ბანკის მხარდაჭერით, მცირე და საშუალო ბიზნესისთვის მზის ენერგიის სექტორის განვითარებაზე შეხვედრა გაიმართა