კომიტეტის სხდომაზე, რომელსაც კომიტეტის თავმჯდომარე კახა კუჭავა უძღვებოდა, პირველი მოსმენით განიხილეს კანონპროექტი „საქართველოს „წითელი ნუსხისა" და „წითელი წიგნის" შესახებ" საქართველოს კანონში ცვლილების შეტანის შესახებ" თანმდევ კანონპროექტებთან ერთად.

პარლამენტის წევრების კახა კუჭავას, ზაზა ხუციშვილის, ენძელა მაჭავარიანის და გელა სამხარაულის მიერ საკანონმდებლო ინიციატივის წესით მომზადებული კანონპროექტის მიზანია ,,გადაშენების პირას მყოფი ველური ფაუნისა და ფლორის სახეობებით საერთაშორისო ვაჭრობის თაობაზე" 1973 წლის 3 მარტის ვაშინგტონის კონვენციით (CITES) განსაზღვრული ვალდებულებების აღსრულების უზრუნველყოფა ეროვნულ დონეზე.

კანონპროექტი პრინციპების დონეზე ერთ-ერთმა ინიციატორმა, ზაზა ხუციშვილმა წარადგინა და იმ გარემოებებზე ისაუბრა, რომელმაც განაპირობა კანონპროექტის მომზადება.  მისი თქმით, საქმე ისაა, რომ კონვენციის მხარე ქვეყნები (საქართველო აღნიშნული კონვენციის მხარეა 1996 წლიდან) ვალდებულნი არიან მიიღონ კონვენციის ეფექტური აღსრულებისათვის შესაბამისი ეროვნული კანონმდებლობა. დღემდე კი აღნიშნული საკითხები მთავრობის დადგენილებით რეგულირდებოდა, ანუ ეროვნული კანონმდებლობა ნაწილობრივ შეესაბამება კონვენციის მოთხოვნებს.

მომხსენებლის განმარტებით, მუდმივმოქმედი კომიტეტი  უფლებამოსილია სანქციები გაატაროს იმ მხარეთა მიმართ, რომელთაც არ ექნებათ შესრულებული შესაბამისი  გადაწყვეტილების მოთხოვნები - ანუ არ იქნება მიღებული შესაბამისი კანონმდებლობა. სანქციები შესაძლოა გამოიხატოს ქვეყნისათვის კონვენციის დანართებში შეტანილი ნიმუშებით საერთაშორისო ვაჭრობის (იმპორტი, ექსპორტი, რეექსპორტი, ზღვიდან ინტროდუქცია) აკრძალვის სახით.

აღსანიშნავია ის ფაქტიც, რომ ევროკავშირსა და საქართველოს შორის ღრმა და ყოვლისმომცველი თავისუფალი სავაჭრო სივრცის შესახებ შეთანხმების (DCFTA) თანახმად საქართველო ვალდებულია ეფექტურად დანერგოს მრავალმხრივი გარემოსდაცვითი შეთანხმებები, რომელთა მხარესაც წარმოადგენს, მათ შორის არის სწორედ ,,გადაშენების პირას მყოფი ველური ფაუნისა და ფლორის სახეობებით საერთაშორისო ვაჭრობის თაობაზე" კონვენცია (CITES).

ცვლილებები შედის ასევე ადმინისტრაციულ სამართალდარღვევათა და სისხლის სამართლის კოდექსებში.

კომიტეტის წევრებმა წარმოდგენილ საკანონმდებლო ინიციატივას პრინციპების დონეზე მხარი დაუჭირეს.

(NS)

ავტორი: ,

სოციალური ქსელები

კიევსა და სხვა რამდენიმე ქალაქში ფედოროვის მხარდამჭერი საპროტესტო აქციები მეორე დღეა გრძელდება: მონაწილეები სკანდირებენ „სირსკი, წადი!“

უკრაინის ეროვნული პოლიციის უფროსის მოვალეობის შემსრულებლად მაქსიმ ცუცქირიძე დაინიშნა

აშშ-მ ირანის წინააღმდეგ ახალი დარტყმების სერია დაიწყო

ნათელაშვილი ტრამპის მადლობაზე - ხელოვნური ინტელექტის მიერ კომპიუტერის მეშვეობით გამოგზავნილი პასუხია მილოცვებზე მთელი მსოფლიოს მასშტაბით