სამგორის რაიონში ინფრასტრუქტურული სამუშაოები სხვადასხვა მისამართზე მიმდინარეობს. მასშტაბური პროექტი ხორციელდება ქინძმარაულის ქუჩაზე, სადაც 6 400 კვ.მ ფართობის გზა მოწესრიგდება. საგზაო სამუშაოების ფარგლებში, ასფალტის საფარი დაიგება და ტროტუარი მოეწყობა. 

სამუშაოები უკვე დასრულდა გუმათჰესის ქ. N7-N9-სა და იდუმალას ქ. N6-N4-ის მიმდებარედ, სადაც 2 200 კვ.მ ფართობი მოწესრიგდა. გზასა და შიდა ეზოებში ასფალტის საფარი დაიგო. ასევე, მოეწყო ტროტუარები და ბორდიური. 

ქვემო სამგორში მასშტაბური სამუშაოები მიმდინარეობს მიწისქვეშა კომუნიკაციების მოწესრიგების მიმართულებითაც. მოსკოვის გამზირზე N36 კორპუსის მიმდებარედ, წყალარინების ქსელი სრულად შეიცვალა. ამჟამად, წყალარინების ქსელის მოსაწესრიგებლად სამუშაოები მიმდინარეობს მოსკოვის გამზირის N36 დ და N36 გ კორპუსების მიმდებარედ. 

ქვემო სამგორში მიმდინარე და დასრულებული ინფრასტრუქტურული სამუშაოები სამგორის რაიონის გამგებელმა კახა გულედანმა საკრებულოს მაჟორიტარ დეპუტატ ქეთევან მამულაშვილთან ერთად დაათვალიერა.

გამგებელი სხვადასხვა მისამართზე მოსახლეობას შეხვდა და გამგეობის მიერ დაგეგმილი სხვა პროექტები მათთან ერთად განიხილა.

(NS)

ავტორი: ,

სოციალური ქსელები

ვაკის პარკის შადრევნის საქმეზე დაკავებული ლაშა ფურცხვანიძე ციხიდან ვადაზე ადრე გაათავისუფლეს

უკრაინის რადამ ახალ პრემიერ-მინისტრად სერგეი კორეცკი დაამტკიცა

ComCom ფორმულას ტერმინების გამო კანონის დარღვევას უკვე მესამედ ედავება

მარია ზახაროვა - საქართველოს დამოუკიდებლობა დასავლეთისთვის ყელში გაჩხერილი ძვალი გახდა