ევროკავშირის ფინანსური დახმარება, საქართველოს მთავრობის მიერ დაგეგმილი რეფორმების მხარდაჭერას მოხმარდება, - აღნიშნა ფინანსთა მინისტრის მოადგილემ, ნიკოლოზ გაგუამ ევროკავშირის მიერ საქართველოსთვის გამოყოფილი მაკროფინანსური დახმარების მნიშვნელობის შეფასებისას.  

 მისი განცხადებით, მნიშვნელოვანია, რომ ევროკავშირი პოლიტიკური მხარდაჭერის გარდა, განაგრძობს საქართველოს თანადგომას ფინანსური მიმართულებით.  

 „აღნიშნული ფინანსური მხარდაჭერის მიზანია, კიდევ უფრო გაძლიერდეს ქვეყნის ეკონომიკის მდგრადობა საგარეო რისკების მიმართ, ხელი შეეწყოს ინკლუზიური ეკონომიკის განვითარებას ქვეყანაში.  ევროკავშირის მიერ დაფინანსების გამოყოფის კიდევ ერთი საფუძველი გახდა საერთაშორისო სავალუტო ფონდთან მიმდინარე წარმატებული პროგრამა და პროგრამის ფარგლებში საქართველოს მიერ მიღწეული შედეგები. მაკროფინანსური დახმარება საქართველოს ხელს შეუწყობს განახორციელოს რეფორმები, ისეთ მნიშვნელოვან სფეროებში როგორიცაა:  საჯარო ფინანსების მართვა, საფინანსო სექტორი, სოციალური და შრომის ბაზრის პოლიტიკა, ბიზნესგარემო. აღნიშნული რეფორმების წარმატებით განხორციელება, უზრუნველყოფს ისეთი ტიპის ეკონომიკური ზრდას, რომელიც საქართველოს ყველა მოქალაქეს შეეხება," - განაცხადა ფინანსთა მინისტრის მოადგილემ, ნიკოლოზ გაგუამ.  

 როგორც ცნობილია, ევროკავშირმა საქართველოსთვის გამოყო ახალი მაკროფინანსური დახმარება 45 მილიონ ევრომდე ოდენობით, საიდანაც 35 მილიონ ევრომდე გამოყოფილი იქნება შეღავათიანი სესხის სახით, ხოლო 10 მილიონ ევრომდე გრანტის სახით.

ავტორი: ,

სოციალური ქსელები

კატარის ყოფილი ემირი შეიხ ჰამად ბინ ხალიფა ალ ტანი გარდაიცვალა

პოლიციამ ჯგუფურად ჩადენილი ძარცვისა და ქურდობის ბრალდებით ხუთი არასრულწლოვანი დააკავა

ბრიტანეთში 28 წლის მამაკაცი დააკავეს, რომელიც მთავრობის და პარლამენტის ყოფილი წევრის, ენ ვიდეკომბის მკვლელობაშია ეჭვმიტანილი

ტრამპმა გარდაცვლილ ლინდსი გრეჰემს „ერთ-ერთი უდიდესი ადამიანი და სენატორი“ უწოდა