"ავერსის" სააფთიაქო ქსელს თანამედროვე დიზაინით მოწყობილი კიდევ ერთი  აფთიაქი შეემატა, რომელიც ნუცუბიძის მეორე მიკრორაიონის მოსახლეობას წამლებისა თუ პარაფარმაცევტული ნაწარმის მრავალფეროვან არჩევანს და კვალიფიციური ფარმაცევტების მომსახურებას შესთავაზებს.

ღია დახლები, კუნძულები და პროდუქციის თემატური განლაგება არჩევანს ადვილებს და მომხმარებლის კომფორტზეა გათვლილი, დახვეწილი ინტერიერი და განათების თანამედროვე სისტემა კი სასიამონო განწყობას ქმნის.

წითელი ლენტის გაჭრას, "ავერსული" ტრადიციისამებრ, ტორტი, ფურშეტი და სიურპრიზები ახლდა თან.

ეს, როგორც "ავერსის" დამფუძნებელმა გვითხრა, "ავერსის" ქსელის უკვე 239-ე ფილიალია.

- ნუცუბიძის პლატოს მოსახლეობისგან არაერთი წერილი მივიღეთ თხოვნით, ამ უბანში აფთიაქი გაგვეხსნა, – აღნიშნა პაატა კურტანიძემ, – ჩვენდა სასიხარულოდ, ფართი მოიძებნა, გარემონტდა და დღეიდან ადგილობრივი მოსახლეობის ჯანმრთელობას "ავერსის" კიდევ ერთი თანამედროვე სტანდარტების აფთიაქი მოემსახურება.

"ავერსის" სააფთიაქო ქსელის დირექტორმა ეკა ბურძენიძემ კი აღნიშნა, რომ ქსელის ერთგულ მომხმარებლებს კიდევ ბევრი სასიამოვნო სიახლე ელით:

- ეს "ავერსის" პირველი აფთიაქია ნუცუბიძის ფერდობზე. მოსახლეობას, როგორც ყოველთვის, მხოლოდ უმაღლესი ხარისხის ნაწარმს შევთავაზებთ. რა თქმა უნდა, მას ელის უამრავი სიურპრიზიც. მაგალითად, დღეს და ხვალ ახალი აფთიაქის ყოველი მომხმარებელი "ავერსის" სასაჩუქრე ნაკრებს მიიღებს. საჩუქრები, ფასდაკლებები და სხვა საინტერესო აქციები მომავალშიც გაგრძელდება.

იზოლდა აფხაზავა ახალი აფთიაქის პირველი მომხმარებელი გახლავთ:

- მიხარია, რომ წამლებისა თუ თავის მოვლის საშუალებების შესაძენად ამიერიდან შორს წასვლა აღარ მომიწევს, – გვითხრა მან, – თანაც ვენდობი "ავერსს". პროდუქციის ხარისხით უზომოდ კმაყოფილი ვარ, კეთილგანწყობილი, გულისხმიერი ფარმაცევტების წყალობით კი "ავერსის" აფთიაქებში ყოველთვის საოცრად დადებითი ატმოსფეროა.

(R)

ავტორი: ,

სოციალური ქსელები

ყოფილმა მთავარსარდალმა ზალუჟნიმ მოსაზრებას, რომ რუსეთმა ომი წააგო, „სახიფათო და არასწორი“ უწოდა

სააპელაციომ მკვლელობის მცდელობაში ბრალდებულს 17 წლით პატიმრობა მიუსაჯა

მარნეულში ავარიას მოტოციკლის მძღოლი ემსხვერპლა

ხოშტარია: დაწყებულია ტკივილის მართვა, რამაც დიდი შვება მომცა, ბევრად უკეთ ვგრძნობ თავს