7 ივნისს რუმინეთშის ქალაქ ბუქარესტში ენერგეტიკული ქარტიის ფორუმი გაიმართა, რომლის მუშაობაშიც საქართველოს ეკონომიკისა და მდგრადი განვითარების მინისტრის მოადგილემ გიორგი ჩიქოვანმა მიიღო მონაწილეობა.

სესიაზე, რომელიც ენერგოეფექტურობას და მასთან დაკავშირებულ გამოწვევებს, აგრეთვე მათი დაძლევის გზებსა და მეთოდებს შეეხებოდა, გიორგი ჩიქოვანმა მოხსენება გააკეთა. მასთან ერთად, აღნიშნულ სესიაში მონაწილეობდნენ რუმინეთის ენერგეტიკის მინისტრი ანტონ ანტონი, მალტის ენერგეტიკის მინისტრი ჯოზეფ მიზი, ასევე ალბანეთის, აზერბაიჯანის, თურქმენეთის და სხვა ქვეყნების მინისტრის მოადგილეები.

გიორგი ჩიქოვანმა გამოსვლაში ენერგეტიკის სექტორის სტრატეგიულ მიმართულებებსა და რეფორმებზე გაამახვილა ყურადღება, მან ასევე აქცენტი გააკეთა ენერგოეფექტურობის ჩარჩო მარეგულირებელ კანონმდებლობის შემუშავებაზე, აგრეთვე ენერგოეფექტურობის უპირატესობებზე, რომელიც ხელს შეუწყობს ენერგეტიკულ უსაფრთხოებას.

ენერგოეფექტურობის სამოქმედო გეგმა (NEEAP) ითვალისწინებს 4 ძირითად მიმართულებას, ესაა ინდუსტრია, ტრანსპორტი, ენერგეტიკა და შენობები. ენერგოეფექტურობის სამოქმედო გეგმის და ენერგოეფექტურობის შესახებ კანონის მიღება მოხდება 2018 წლის ბოლომდე.

(NS)

ავტორი: ,

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”