თბილისში EuroDIG 2018 - „ევროპული დიალოგი ინტერნეტ მმართველობის საკითხებზე“ გრძელდება.

ფორუმის ფარგლებში სტუმრებისთვის გალა-მიღება გაიმართა, სადაც დროშის გადაცემის ცერემონია შედგა - 2019 წელს EuroDIG-ს ნიდერლანდების სამეფო უმასპინძლებს.

ღონისძიებაში მონაწილეობა მიიღო საქართველოს პირველმა ვიცე პრემიერმა, ეკონომიკისა და მდგრადი განვითარების მინისტრმა, რომელმაც ფორუმის მონაწილეებს სიტყვით მიმართა. დიმიტრი ქუმსიშვილმა ხაზი გაუსვა ინტერნეტმმართველობის საკითხებზე ევროპული დიალოგის როლს და მნიშვნელობას.  „თითოეულ ადამიანში არის პოტენციალი, შეცვალოს მთელი სამყარო და ჩვენი, როგორც მთავრობის წარმომადგენლების, ექსპერტებისა და სპეციალისტების ვალია, ხელი შევუწყოთ ასეთ ადამიანებს მათი იდეების განხორციელებაში. ვფიქრობ, სწორედ ეს გაკეთდა EuroDig 2018-ის დღევანდელ ღონისძიებაზე“, - აღნიშნა დიმიტრი ქუმსიშვილმა. 

პირველმა ვიცე-პრემიერმა ფორუმის მონაწილეებს მადლობა გადაუხადა საქართველოში ჩამობრძანებისა და ნაყოფიერი თანამშრომლობისთვის. მისი განცხადებით, ამ ღონისძიების დროს გაზიარებული გამოცდილება და ცოდნა მნიშვნელოვან როლს შეასრულებს საქართველოსთვის შემდგომი კეთილდღეობის მიღწევაში, ასევე კარგი სტიმული იქნება ახალი იდეებისა და ინოვაციებისთვის.

„ყველას კარგად გვესმის, რომ თუ ჩვენი მიზანი ინოვაციების განხორციელებაა, აუცილებელია ამ ინოვაციებისთვის შესაბამისი საძირკვლის შექმნა. აუცილებელია შევქმნათ შესაბამისი სივრცეები და გავაუმჯობესოთ ინფრასტრუქტურა. ეს სწორედ ის გზაა, რომელსაც საქართველო უკვე რამდენიმე წელია მიყვება. ჩვენ ნდობას ვუცხადებთ მომავალს, ჩვენი ქვეყნის ახლანდელ თაობას და მთელი ქვეყნის მასშტაბით ვაწყობთ სპეციალურ სივრცეებს, სადაც ადამიანებს შეეძლებათ ერთად იმუშაონ და ხორცი შეასხან ინოვაციურ იდეებს“, - განაცხადა დიმიტრი ქუმსიშვილმა. 

EuroDIG 2018 მუშაობას 6 ივნისს დაასრულებს - ხვალ, სასტუმრო „რუმსში“ ფორუმის ფარგლებში  რამდენიმე სესია გაიმართება, მათ შორის თემებზე: ბლოკჩეინების განვითარება;  ეკონომიკური შესაძლებლობები და უსაფრთხოების გამოწვევები;  ხელოვნური ინტელექტი, სამუშაო ეთიკა და მომავალი; ელექტრონული ვაჭრობის გამოწვევები ევროპაში და ა.შ. 

(NS)

ავტორი: ,

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”