საქართველოს პირველი რესპუბლიკის შესახებ იუსტიციის სამინისტროს ეროვნული არქივის საგანმანათლებლო პროექტის ნახევარფინალური თამაში თბილისში, ბათუმსა და ქუთაისში ერთდრულად გაიმართა.

ნახევარფინალში საქართველოს მასშტაბით 370-მდე სკოლა მონაწილეობდა, სკოლის თითოეულ გუნდში 5 ძირითადი და ერთი სათარადიგო მონაწილე იყო. ნახევარფინალში საუკეთესო შედეგის მქონე 60 სკოლის გუნდი გადავა ფინალში, რომელიც 21 მაისს თბილისში გაიმართება. ფინალში გადასული გუნდები სამივე ქალაქში ჩატარებული ნახევარფინალური შეხვედრის შედეგების შეჯამების შემდეგ გაირკვევა და გუნდებს შედეგების გასაჩივრების საშუალება 29 აპრილამდე ექნებათ. 2 მაისს კი უკვე საბოლოოდ დაზუსტება ფინალისტების ვინაობა. ღონისძიება საქართველოს პირველი რესპუბლიკის დაარსებიდან 100 წლის იუბილეს ეძღვნება.

ნახევარფინალურ და ფინალურ თამაშებს საქართველოს კლუბი "რა? სად? როდის?" უძღვება. სასკოლო-საგანმანათლებლო პროექტს საფუძველი 2015 წელს ჩაეყარა და მისი მიზანი პირველი დემოკრატიული რესპუბლიკის ისტორიით მოსწავლეთა დაინტერესებაა. პროექტში მონაწილე სკოლის გუნდებს გადაეცათ 1918-1921 წლების ისტორიის ამსახველი პუბლიკაციების ელექტრონული ვერსიები, რომელთა მიხედვითაც მომზადდა ნახევარფინალური და ფინალური თამაშის კითხვები. პროექტის გამარჯვებულები პრიზებითა და სიგელებით დაჯილდოვდებიან.

(NS)

ავტორი: ,

სოციალური ქსელები

ტრამპმა ოფიციალურად აცნობა კონგრესს ირანზე აშშ-ის საჰაერო დარტყმების განახლების შესახებ

უკრაინის პრემიერ-მინისტრმა სვირიდენკომ თანამდებობიდან გადადგომის შესახებ განცხადება დაწერა

თბილისის მერია ადასტურებს, რომ ე.წ. რიყის დოქების დემონტაჟის ნებართვა გაიცა

პუტინი ცხინვალის მარიონეტ კამბოლოვს: ველოდები, რომ გაგლოევის „განვითარებულ მოვლენებს“ გამოიყენებთ