დედაქალაქის მერი კახა კალაძე ისნის რაიონში, კაიშაურისა და შილდის ქუჩებზე გზის სარეაბილიტაციო სამუშაოებს ისნის რაიონის გამგებელთან, კახა ლაბუჩიძესთან ერთად გაეცნო. კახა კალაძის განცხადებით, საგზაო ინფრასტრუქტურული სამუშაოები თბილისის მასშტაბით აქტიურად მიმდინარეობს. 

“ჩვენ ახლა ისნის რაიონში ვიმყოფებით, სადაც კაიშაურისა და  შილდის ქუჩებზე მიმდინარეობს საგზაო სარეაბილიტაციო სამუშაოები. სამუშაოების ფარგლებში მოწესრიგდა მიწისქვეშა კომუნიკაციები, საკანალიზაციო და სანიაღვრე სისტემა. ამჟამად ხორციელდება საგზაო ინფრასტრუქტურის მოწყობა, შეიცვალა ბორდიურები. გარდა ამისა, აქვე სპეციალური ადგილებია  გამოყოფილი ხეების დასარგავად.  მსგავსი ტიპის  სამუშაოები მთელი ქალაქის მასშტაბით მიმდინარეობს. მთავარია, რომ  ადგილობრივი მოსახლეობაც კმაყოფილია ამ ინფრასტრუქტურული პროექტების განხორციელებით“, - განაცხადა თბილისის მერმა. 

კაიშაურის ქუჩაზე უკვე სრულდება გზის სარეაბილიტაციო სამუშაოები. პროექტის ფარგლებში მოეწყო ტროტუარები და ბორდიურები, იგება ასფალტის საფარი.  სამუშაოების ღირებულება 110 000 ლარია. 

შილდის ქუჩაზე მიმდინარეობს  მოსამზადებელი სამუშაოები ასფალტის საფარის დასაგებად  და ბორდიურების მოსაწყობად. პროექტის ღირებულება 128 000 ლარს შეადგენს. 

სარეაბილიტაციო სამუშაოებს საკრებულოს წევრი ბექა დავითულიანიც გაეცნო. 

(NS)

ავტორი: ,

სოციალური ქსელები

პუტინი ცხინვალის მარიონეტ კამბოლოვს: ველოდები, რომ გაგლოევის „განვითარებულ მოვლენებს“ გამოიყენებთ

მასშტაბური კორუფციის გამო მერიამ „რიყის დოქების“ დანგრევა გადაწყვიტა - აბესაძე

რუსეთში, ბენზინის დეფიციტის გამო, საავადმყოფოებისთვის, სახანძრო სამსახურებისთვის და საზოგადოებრივი კომუნალური კომპანიებისთვის საწვავის შესყიდვა შეფერხდა

აშშ-ის სახელმწიფო მდივანი მარკო რუბიო ვენესუელას ფაქტობრივი მმართველი გახდა -The New York Times