ისრაელის დედაქალაქში თბილისის მერის კახა კალაძის მეგობრული ვიზიტი თბილისსა და იერუსალიმს შორის თანამშრომლობის განვითარებასა და გაღრმავებას შეუწყობს ხელს, - ამის შესახებ ისრაელელმა ბიზნესმენმა მენი ბენიშმა თბილისისა და იერუსალიმის მერებს შორის გამართული შეხვედრის შემდეგ განაცხადა.

როგორც მან აღნიშნა, იერუსალიმის მერმა ნირ ბარკატმა განაცხადა, რომ ბოლო ათი წლის განმავლობაში, მისი, როგორც მერის წარმატების საფუძველი ის ბიზნესგამოცდილება იყო, რომელიც მერის პოსტზე კარგად გამოიყენა.

მენი ბენიშის განცხადებით, ბიზნესკომპანიებსა და ქალაქის მთავრობას შორის თანამშრომლობა ძალიან მნიშვნელოვანია.

„თბილისში ბიზნესფორუმის გამართვის იდეა, ნირ ბარკატის თბილისში ჩამოსვლა და ქალაქ იერუსალიმთან თანამშრომლობა შესანიშნავია. ისრაელის მოქალაქეები და მე, რომლებიც საქართველოსა და თბილისის პოტენციალს ვიცნობთ, ვცდილობთ,  სხვადასხვა მიმართულების განვითარებას დედაქალაქში და მთლიანად საქართველოში, როგორიცაა მაღალი ტექნოლოგიები, ტურიზმი, უძრავი ქონება და ა.შ. ვფიქრობ, ეს საქართველოსადმი ისრაელის ინტერესს უფრო მეტად გაზრდის. კახა კალაძის მეგობრული ვიზიტი თბილისსა და იერუსალიმს შორის თანამშრომლობის განვითარებასა და გაღრმავებას შეუწყობს ხელს“, - განაცხადა მენი ბენიშმა.

ისრაელში ვიზიტის ფარგლებში, თბილისის მერი კახა კალაძე იერუსალიმის მერს, ნირ ბარკატის შეხვდა.

(NS)

ავტორი: ,

სოციალური ქსელები

უკრაინამ დაასახელა რუსული სამხედრო გემები, რომლებსაც ნოვოროსიისკში დაარტყეს

გომის მთაზე მიკროავტობუსის ხრამში გადავარდნის შედეგად ბელარუსიის ოთხი მოქალაქე ადგილზე დაიღუპა, 20 ადამიანი მათ შორის ორი ბავშვი დაშავდა

გომის მთაზე მიკროავტობუსი გადავარდა - არსებული ცნობებით, არიან დაღუპულები

ნიკა გვარამია: ივანიშვილის რეჟიმმა აღიარა რუსული სამხედრო მანქანისადმი პირდაპირი დახმარება