საქართველოს მოქალაქე არჩილ ტატუნაშვილის მამა მადლობას უხდის პრემიერ-მინისტრსა და თავდაცვის მინისტრს იმისათვის, რომ შვილის ცხედრის ძმათა სასაფლაოზე დაკრძალვის უფლება მისცეს. ასევე, ტატუნაშვილის  მამა მადლობას უხდის სრულიად საზოგადოებას თანადგომისთვის:

„მინდა, პრემიერ-მინისტრს გადავუხადო უღრმესი მადლობა, თავდაცვის მინისტრს ლევან იზორიას, რომ  ჩემი შვილის, ასე ვთქვათ,  უკანასკნელი ანდერძის შესრულებაში დაგვეხმარენ.მოგვცეს ძმათა სასაფლაოზე დაკრძალვის საშუალება.მადლობა მინდა მთლიანად ქართულ საზოგადოებას გადავუხადო თანადგომისთვის“,-განაცხადა არჩილ ტატუნაშვილის მამამ.

შეგახსენებთ, არჩილ ტატუნაშვილი 22 თებერვალს საოკუპაციო რეჟიმის წარმომადგენლებმა დააკავეს, 23 თებერვალს კი ცნობილი გახდა მისი გაურკვეველ ვითარებაში გარდაცვალების თაობაზე. საერთაშორისო საზოგადოების მხრიდან უამრავი მოწოდებისა და საქართველოს ხელისუფლების მცდელობის მიუხედავად, ოჯახს ცხედარი 20 მარტამდე  არ გადასცემია. ასევე მასთან ერთად დააკავეს საქართველოს კიდევ ორი მოქალაქე, რომლებსაც 11 მარტამდე არ მიეცათ ქართული მხარის მიერ კონტროლირებად ტერიტორიაზე გადმოსვლის უფლება.

ავტორი: ,

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის